வினோத் கண்ணாவின் உடல் இன்று நல்லடக்கம்

பழம்பெரும் நடிகர் வினோத் கண்ணாவின் உடல் இன்று மாலை 5 மணிக்கு நல்லடக்கம் செய்யப்படுகிறது.

பாலிவுட் நடிகர் வினோத் கண்ணா நீர்ச்சத்து குறைவாக கடந்த ஏப்ரல் 5ம் தேதி எச்.என் ரிலையன்ஸ் பவுண்டேஷன் மருத்துவமனை மற்றும் ஆராய்ச்சி மையத்தில் அனுமதிக்கப்பட்டார். இதனிடையே, வினோத் கண்ணாவின் புகைப்படங்கள் வலைத்தளங்களில் வெளியானதை தொடர்ந்து அவர் புற்றுநோயால் பாதிக்கப்பட்டதாக கூறப்பட்டது. இந்நிலையில், சிகிச்சை பலனின்றி வினோத் கண்ணா இன்று காலை மும்பையில் மரணமடைந்தார்.



பாலிவுட் திரையுலகின் உச்ச நட்சத்திரமாக வலம் வந்த வினோத் கண்ணாவின் மறைவுக்கு, இந்தியாவின் பல்வேறு திரைப்பிரபலங்களும் தங்கள் டிவிட்டர் பக்கம் வாயிலாக அஞ்சலி செலுத்தியுள்ளனர். இந்நிலையில், வினோத் கண்ணாவின் உடல் அவரது வீட்டிலிருந்து கொண்டு செல்லப்பட்டு, இன்று மாலை 5 மணிக்கு இந்து முறைப்படி இறுதிச் சடங்கு செய்யப்படுகிறது.

Vinod Khanna's cremation at Worli crematorium at 5.00 pm today with full state honour. Body will leave from residence at 4.30