இணையத்தில் மெர்சலைப் பார்த்த எச்.ராஜாவிற்கு விஷால் கண்டனம்!

தீபாவளியன்று வெளியான மெர்சல் படம் தொடர்ந்து பல சர்ச்சைகளைச் சந்தித்த வண்ணம் உள்ளது. இருப்பினும், படத்திற்கு நல்ல வரவேற்பு உள்ளதால் வசூலில் பல சாதனைகளைப் புரிந்து வருகிறது.

இப்படத்தில் இடம்பெற்றுள்ள ஜிஎஸ்டி மற்றும் டிஜிட்டல் இந்தியா பற்றிய வசனங்களை நீக்குமாறு பாஜக தலைவர்கள் வலியுறுத்தி வருகின்றனர். இதனையடுத்து, பாஜகவின்தேசிய செயலாளர் எச்.ராஜா பல்வேறு சர்ச்சைக்குரிய கருத்துகளைத் தெரிவித்து வருகிறார்.

இந்நிலையில், ஒரு தனியார் தொலைக்காட்சி நிகழ்ச்சியில் பங்கேற்ற எச்.ராஜா, மெர்சல் படத்தை இணையதளத்தில் பார்த்ததாக கூறியுள்ளார். இதனால், பல்வேறு தரப்பினர் எச்.ராஜாவிற்கு கண்டனம் தெரிவித்து வருகின்றனர்.

தற்போது, தயாரிப்பாளர் சங்க தலைவர் நடிகர் விஷால், எச்.ராஜாவிற்கு தனது கண்டனத்தைத் தெரிவித்துள்ளார். மேலும், அதற்கு மன்னிப்பு கேட்குமார் எச்.ராஜாவை கேட்டுக்கொண்டுள்ளார்.

Vishal Condemns H.Raja for watching mersal movie on the internet.