இதெல்லாம் நல்லா இல்ல....... இது என் சொந்த விஷயம்... சந்தோஷமா நானே சொல்வேன்: கொந்தளித்த விஷால்!

சென்னை: தன் திருமணம் குறித்த தவறான தகவலுக்கு விஷால் விளக்கம் அளித்துள்ளார்.

தென்னிந்திய நடிகர் சங்க தலைவர், தமிழ் திரைப்பட தயாரிப்பாளர் சங்க தலைவர், திரைப்பட தயாரிப்பாளர், நடிகர் என பல முக்கிய பொறுப்பில் உள்ளவர் நடிகர் விஷால்.

ஆர்.கே.நகர் இடைத்தேர்தலில் மனுதாக்கல் செய்து பரபரப்பை ஏற்படுத்தியவர். இவரின் திருமணம் குறித்து கேட்ட போது, நடிகர் சங்க கட்டிடம் கட்டி முடிந்தது பின் தான் திருமணம் செய்வேன் என்றார்.
நடிகையுடன் காதல்:
தவிர, நடிகையை காதலித்து வருவதாகவும் அவரையே திருமணம் செய்துகொள்வேன் என கூறிவந்தார். இந்நிலையில் மணமகள் பெயர் அனிஷா ரெட்டி, இவர் ஐதராபாத்தைச் சேர்ந்தவர். தொழில் அதிபர் விஜய் ரெட்டியின் தம்பதியின் மகள். என தன் திருமணம் குறித்து விஷால் அதிகாரபூர்வமாக தெரிவித்ததாக தகவல்கள் வெளியானது.
வழக்கம் போல வதந்தி:
ஆனால் இந்த தகவலும் கடைசியில் வழக்கம் போல வெறும் வதந்தி தான் என விஷால் விளக்கம் அளித்துள்ளார். இது குறித்து டுவிட்டரில் விஷால் வெளியிட்டுள்ள பதிவில்,‘எப்படி என் திருமணம் குறித்த தவறான தகவல் இப்படி வெளியாகிறது. இது என் சொந்த விஷயம், உறுதி செய்யப்பட்டால் மகிழ்ச்சியாக நானே அதிகாரப்பூர்வமாக தகவல் அளிப்பேன்.’ என அதில் குறிப்பிட்டுள்ளார்.