’அயோக்யா’ படம் மூலம் தமிழக விவசாயிகளுக்கு நலத்திட்ட உதவி - விஷாலின் அதிரடி!

தெலுங்கில் வெளியாகி சூப்பர் ஹிட்டான திரைப்படம் ‘டெம்பர்’. இப்படம் தமிழில் ‘அயோக்யா’ என்ற பெயரில் ரீமேக் செய்யப்பட்டது. இதை வெங்கட் மோகன் இயக்க, லைட் ஹவுஸ் மூவி மேக்கர்ஸ் நிறுவனம் தயாரித்துள்ளது.

இதில் விஷால், ராஷி கண்ணா, பார்த்திபன் உள்ளிட்டோர் நடித்துள்ளனர். சாம் சி.எஸ் இசையமைத்துள்ளார். இப்படம் கடந்த 10ஆம் தேதி வெளியாகி, திரையரங்குகளில் வெற்றிகரமாக ஓடிக் கொண்டிருக்கிறது.

பெண்கள் மீதான வன்கொடுமை சம்பவங்களை முன்வைத்து, இப்படம் எடுக்கப்பட்டுள்ளது. இதற்கு ரசிகர்கள் மத்தியில் நல்ல வரவேற்பு கிடைத்துள்ளது.

இந்நிலையில் இந்தப் படத்திற்கு கிடைக்கும் வசூலின், ஒவ்வொரு டிக்கெட்டில் இருந்தும் ரூ.1ஐ எடுத்து, தமிழக விவசாயிகளின் நலனுக்கு செலவிட உள்ளதாக நடிகர் விஷால் தெரிவித்துள்ளார். இதற்கு பல்வேறு தரப்பினரும் வரவேற்பு தெரிவித்துள்ளனர்.