Ayogya Collections: மகேஷ் பாபு படத்தை விட அதிக வசூல் குவித்த விஷாலின் அயோக்யா!

விஷால் நடிப்பில் வெளியான அயோக்யா படம் சென்னையில் மட்டும் முதல் இரண்டு நாட்களில் ரூ.69.28 லட்சம் வசூல் குவித்துள்ளது.

தமிழ் சினிமாவில் முன்னணி நடிகர்களில் ஒருவராக இருப்பவர் நடிகர் விஷால். தயாரிப்பாளர் சங்கத்தின் தலைவராகவும், நடிகர் சங்கத்தின் பொதுச் செயலாளராகவும் இருக்கிறார். இப்படியெல்லாம் பதவி வகிக்கும் விஷாலின் நடிப்பில் உருவாகியிருந்த அயோக்யா படம் கடந்த 10ம் தேதி வெளியாக இருந்தது. ஆனால் தயாரிப்பாளர் பணப்பிரச்சனை காரணமாக படம் வெளியாகவில்லை.

விஷால் ரூ.1 கோடி கொடுக்க, 11ம் தேதி அயோக்யா படம் வெளியானது. தொடர்ந்து ரசிகர்களிடையே நல்ல வரவேற்பைப் பெற்று வரும் இப்படம் சென்னையில் முதல் நாளில் மட்டும் ரூ.34 லட்சமும், 2ம் நாளில் ரூ.35 லட்சமும் வசூல் கொடுத்துள்ளது. உலகம் முழுவதும் வெளியான இப்படம் முதல் இரண்டு நாட்களில் மட்டும் ரூ.7 கோடி வரையில் வசூல் குவித்துள்ளது.

ஆனால், இப்படத்திற்கு முன்னதாக, தெலுங்கில் 9ம் தேதி வெளியான மகேஷ் பாபுவின் மகர்ஷி என்ற படம் ரூ.65.58 லட்சம் வசூல் குவித்து 2ம் இடம் பிடித்துள்ளது என்பது குறிப்பிடத்தக்கது. தமிழில், அயோக்யா படத்திற்கு போட்டியாக வந்த ஜீவாவின் கீ படத்திற்கு ஓரளவு வரவேற்பு கிடைத்துள்ளது. கிட்டத்தட்ட 159 திரையரங்குகளில் வெளியான இப்படம் ரூ.40.51 லட்சம் மட்டுமே வசூல் கொடுத்துள்ளது.

ராகவா லாரன்ஸின் காஞ்சனா 3 படம் 90 திரையரங்குகளில் ரூ.12.44 லட்சமும், ஒட்டு மொத்தமாக ரூ.7.50 கோடி வரையில் வசூல் குவித்துள்ளது. கே 13 ரூ.9.97 லட்சமும், ஒட்டுமொத்தமாக ரூ.1.13 கோடி வரையில் வசூல் குவித்துள்ளது என்பது குறிப்பிடத்தக்கது.