விஷாலின் தங்கைக்கு திருமண நிச்சயத்தார்த்தம்!

நடிகர் விஷாலின் இளைய சகோதரி ஐஸ்வர்யா கிருஷ்ணாவுக்கு திருமண நிச்சயத்தார்த்தம் நேற்று நடந்தது.

நடிகர் விஷாலின் உடன் பிறந்த சகோதரி ஐஸ்வர்யா . இவர் தற்போது விஷாலின் விஷால் பிலிம் பேக்டரி நிறுவனத்தை கவனித்து வருகிறார். இவருக்கு திருமணம் செய்து வைக்க கடந்த நவம்பர் மாதத்தில் இருந்து இவரது பெற்றோர் மாப்பிள்ளை தேடி வந்தனர். இந்நிலையில், கடந்த சில தினங்களுக்கு முன்பு, பொருத்தமான மாப்பிள்ளை கிடைத்துவிட்ட நிலையில், நேற்று திருமண நிச்சயதார்த்தத்தை நடத்தி முடித்தனர்.

நிச்சயதார்த்தம் சென்னை அண்ணா சாலையில் உள்ள ஹோட்டல் ஹையாட் ஐந்து நட்சத்திர ஓட்டலில் நடந்தது. இந்த விழாவில் விஷால் குடும்பத்திற்கு நெருக்கமான உறவினர்கள், நண்பர்கள் மட்டுமே கலந்துகொண்டுள்ளனர். வரும் ஆகஸ்ட் மாதத்தில் ஐஸ்வர்யா, கிருஷ்ணாவுக்கு திருமணம் நடைபெறவுள்ளதாக செய்திகள் வெளியாகியுள்ளது. ஆனாலும், உறுதியான தேதி எதுவும் நேற்று வெளியாகவில்லை. விரைவில் தெரிய வரும் என்று தெரிவித்துள்ளனர். தென்னிந்திய நடிகர் சங்கம் கட்டிய பின்னர்தான் தனக்கு திருமணம் என்று அறிவித்துள்ள விஷாலின் வீட்டில் தனது தங்கையின் மூலம் திருமண வைபவம் நடைபெறவுள்ளது.

Vishal’s sister Aishwarya Krishana got engaged!!