விஷ்ணுவுடன் இணையும் ஸ்ரீதிவ்யா!

இயக்குநர் சுசீந்திரனின் அடுத்த படத்தில் விஷ்ணுவுக்கு ஜோடியாக ஸ்ரீதிவ்யா நடிக்க இருப்பதாக தகவல் வெளியாகி உள்ளது.

பல வெற்றிப்படங்களை கொடுத்த இயக்குநர் சசீந்திரன் உதயநிதியை வைத்து படம் இயக்குவதாக இருந்தது. ஆனால் அந்த திரைப்படத்தின் வேலைகளை தற்காலிகமாக ஒத்திவைத்துவிட்டு விஷ்ணுவை வைத்து படம் இயக்குகிறார். இதில் மஞ்சிமா மோகன் ஹீரோயினாக நடிக்க உள்ளதாக கூறியிருந்த நிலையில் தற்போது ஸ்ரீதிவ்யா நடிக்கப்போவதாக தகவல் வெளியாகி உள்ளது. இவர்கள் இருவரும் ஏற்கனவே ஜீவா படத்தில் இணைந்து நடித்தனர் என்பது குறிப்பிடத்தக்கது. வருகிற 15-ஆம் தேதி பழனியில் படப்பிடிப்பு தொடங்குகிறது. இத்திரைப்படத்தில் பார்த்திபன் முக்கிய கதாபாத்திரத்தில் நடிக்கிறார். வெண்ணிலா கபடிக்குழு, ஜீவா படங்களை தொடர்ந்து மூன்றாவது முறையாக சசீந்திரனும், நடிகர் விஷ்ணுவும் இணைகின்றனர். படத்திற்கு டி.இமான் இசை அமைக்கிறார்.