விஷ்ணு விஷால், அருள்நிதி படங்களை வாங்கி வெளியிடும் 24 பிஎம். ஸ்டூடியோஸ்!

ஆர்.டி.ராஜா தனது 24 பி.எம். நிறுவனத்தின் மூலம் படங்களை வாங்கி வெளியிட தொடங்கியுள்ளார்.

மோகன்ராஜா இயக்கத்தில் சிவகார்த்திகேயன் & நயன்தாரா நடிப்பில் உருவாகி வரும் படம் ‘வேலைக்காரன்’ . இந்தப்படத்தை ஆர்.டி.ராஜாவின் 24 ஏ.எம். ஸ்டூடியோஸ் தயாரித்து வருகிறது. தற்போது ஆர்.ராஜா படங்களை வாங்கி விநியோகம் செய்யும் நிறுவனத்திற்கு 24 பிஎம் ஸ்டூடியோஸ் என பெயர் வைத்துள்ளனர்.

இதுகுறித்து ஆர்.டி.ராஜா பேசுகையில், ‘‘சினிமாவின் ஒரு முக்கிய அம்சம் விநியோகம். எந்த வித ஒளிவு மறைவும் இல்லாத எங்களது அணுகுமுறையை கொண்டு சினிமா வினியோகத்தில் கால் பதிக்கவுள்ளோம். ‘அக்சஸ் பிலிம் பேக்ட்ரி’ நிறுவனத்தின் சார்பாக அருள்நிதி நடிக்கும் ‘இரவுக்கு ஆயிரம் கண்கள்’ மற்றும் விஷ்ணு விஷால் - அமலாபால் நடிப்பில் உருவாகி வரும் ‘ராட்சஸன்’ ஆகிய படங்களை எங்கள் நிறுவனம் மூலம் விநியோக பயணத்தை ஆரம்பிக்கவுள்ளோம். விநியோகத்துறையிலும் நாங்கள் கடுமையாக உழைத்து சாதிக்க முனைப்போடு உள்ளோம்‘’ என்றார்.