விஸ்வரூபம் -2 ‘மேக்கிங் வீடியோ’ வெளியீடு!

சென்னை: விஸ்வரூபம்- 2 படத்தின் மேக்கிங் வீடியோ வெளியாகியுள்ளது.

கமல்ஹாசன் இயக்கி நடித்துள்ள விஸ்வரூபம் 2 படம் வரும் ஆகஸ்டு 10ம் தேதி வெளியாகும் என அறிவிக்கப்பட்டிருந்தது. இந்நிலையில் பிரமிட் சாய்மீரா நிறுவனம் இப்படம் வெளிவரக்கூடாது என வழக்கு தொடர்ந்தது.

மர்ம யோகி படத்துக்கு செலவு செய்வதாக ரூ. 6.90 கோடி கமல் பெற்றிருக்கிறார். இப்படத்துக்கு கதை, திரைக்கதை, வசனம் எழுதி நடிப்பதற்காக ரூபாய் 4 கோடி பெற்றுள்ளார்.

மர்மயோகி படத்திற்கு கொடுத்த சம்பளம் ரூபாய் 4 கோடியை வட்டியுடன் சேர்த்து ரூபாய் 5.44 கோடியை கொடுக்காமல் விஸ்வரூபம் 2 படத்தை வெளியிட தடை விதிக்க வேண்டும் என அந்நிறுவனம் தொடர்ந்திருந்தது.

இதற்கு கமல் தரப்பில் பதில் அளிக்க கொடுக்கப்பட்ட கெடு இன்றுடன் முடிவுக்கு வருகிறது. இந்நிலையில் விஸ்வரூபம் -2 படம் திட்டமிட்டபடி வரும் 10ம் தேதி தமிழ், தெலுங்கு மொழிகளில் வெளியாகும் என்றும், தேவையில்லாத வதந்திகளை நம்ப வேண்டாம் என்றும் கமல் ஹாசன் தெரிவித்துள்ளார். இந்நிலையில் இப்படத்தின் மேக்கிங் வீடியோ தற்போது வெளியாகியுள்ளது.