விரைவில் 'விஸ்வரூபம் 2': முழுவீச்சில் இறுதிக்கட்ட பணிகள்

சென்னை: உலக நாயகன் கமல்ஹாசன் தயாரிப்பு, இயக்கத்தில் உருவாகியுள்ள 'விஸ்வரூபம் 2' திரைப்படத்தின் இறுதிக்கட்ட பணிகள் முழுவீச்சில் நடைபெற்று வருவதாக படக்குழு தெரிவித்துள்ளது.

'விஸ்வரூபம் 2' திரைப்படம் எப்பொழுது வெளியாகும் என்ற ரசிகர்களின் எதிர்பார்ப்புக்கு மத்தியில் இப்படத்தின் டப்பிங் மற்றும் இறுதிக்கட்ட பணிகள் துவங்கியிருப்பதாக தெரிவிக்கப்பட்டுள்ளது.

விஸ்வரூபம் படமாக்கப்பட்டபோதே,'விஸ்வரூபம் 2' திரைப்படத்தையும் படமாக்கிய கமல்ஹாசன், கிடப்பில் போடப்பட்டிருந்த பணிகளை தற்போது துவங்கியுள்ளார். கடந்த சில மாதங்களுக்கு முன்பாக, 'விஸ்வரூபம் 2' படத்தின் தடைகள் நீங்கின இறுதிக்கட்ட பணிகள் 6 மாதத்தில் முடிக்கப்பட்டு திரைப்படம் வெளியாகும் என்று கமல்ஹாசன் தெரிவித்திருந்தது குறிப்பிடத்தக்கது.

கடந்த 2013ஆம் ஆண்டு உலக நாயகன் கமல் ஹாஸன், பூஜா குமார், ஆண்ட்ரியா உள்ளிட்டோர் நடித்த 'விஸ்வரூபம்' திரைப்படமே பல்வேறு தடைகளை கடந்து படாதபாடு பட்டு வெளியானது குறிப்பிடத்தக்கது.

According to sources in the industry, Kamal Haasan will be soon releasing Vishwaroopam 2, probably by the end of this year.