இவரின் நூறாவது படமாம் ‘விஸ்வாசம்’!

பிரபல காமெடி நடிகர் யோகி பாபு எத்தனை படங்களில் நடித்திருந்தாலும், ‘விஸ்வாசம்’ இவருக்கு ஸ்பெஷல் படம்தான். காரணம், இந்தப் படம் அவரின் 100வது படமாம்.

அஜித் & சிவா கூட்டணியில் உருவாகியுள்ள நான்காவது படம் ‘விஸ்வாசம்’. இந்தப் படம் பொங்கல் வெளியீடாக இன்று வெளியாகியுள்ளது. அஜித் படம் வெளியாகியுள்ள திரையரங்குகள் திருவிழா போல் காட்சியளிக்கிறது. பார்க்கும் இடங்கள் எல்லாம் ‘விஸ்வாசம்’ பட போஸ்டர், பேனர், கட்டவுட்டுகளாக தான் இருக்கின்றன. படத்தின் டிரைலர் மேலும் எதிர்பார்ப்பை கூட்டிய நிலையில் பலரின் ஆர்வமும் கூடியுள்ளது.
இந்தப் படத்தில் காமெடி நடிகர் யோகிபாபுவம் நடித்துள்ளார். இந்தப் படத்திற்கு முன் இவர் நடிப்பில் வெளியான படம் ‘சர்க்கார்’. இவர் இதற்கு முன் எத்தனை படங்களில் நடித்திருந்தாலும், ‘விஸ்வாசம்’ படம் ஒரு தனி ஸ்பெஷல்தான். யோகி பாபுவுக்கு ‘விஸ்வாசம்’ 100 வது படம் என்பதால் தன் மகிழ்ச்சியை டிவிட்டரில் வெளிப்படுத்தியுள்ளார்.