ரசிகர்களுக்காக அஜீத் வைத்த டைட்டில்தான் ‘விசுவாசம்’!

தன்னை உயிராக நேசிக்கும் ரசிகர்களின் விசுவாசத்திற்காக அஜீத் தன் படத்திற்கு ‘விசுவாசம்’ என பெயர் வைத்துள்ளார்.

நான்காவது முறையாக தல அஜித் & சிவா இணையவுள்ளார்கள். இவர்கள் இணையும் புதிய படத்திற்கு ‘விசுவாசம்’ என பெயரிட்டுள்ளார்கள். இந்தத் தலைப்பை தேர்வு செய்ய காரணம் என்ன என்பதற்கு தற்போது விளக்கம் கிடைத்துள்ளது.

“தன்னை உயிராக நேசிக்கும் ரசிகர்கள் எனக்கு விசுவாசமாக இருக்கிறார்கள், நானும் அவர்களுக்கு விசுவாசமாக இருக்கவேண்டும்“ என அஜீத் அடிக்கடி கூறுவாராம். புதிய படத்திற்கு டைட்டில் என்ன வைக்கலாம் என யோசித்துக்கொண்டிருந்தபோது அஜீத் அடிக்கடி பயன்படுத்தும் ‘விசுவாசம்’ என்ற வார்த்தையை வைத்துவிடலாம் என இயக்குனர் சிவா முடிவெடுத்துவிட்டாராம்.