”அஜித்துடன் மோதும் விஷால்” -வெற்றி கிடைக்குமா..?

அஜித்தின் ‘விவேகம்’ திரைப்படம் வெளியாகும் நாளில் விஷாலின் ‘துப்பறிவாளன்’ திரைப்படமும் வெளியாகலாம் என எதிர்பார்க்கப்படுகிறது.

தமிழ் சினிமாவில் பெரும் எதிர்பார்ப்பை ஏற்படுத்தியுள்ள அஜித்தின் ’விவேகம்’ திரைப்படம், வரும் ஆகஸ்ட் 10-ஆம் தேதி வெளியாகலாம் என கூறப்படுகிறது. சுதந்திர தின விடுமுறையை கணக்கில் கொண்டு இந்த தேதியை படக்குழு தேர்ந்தெடுத்துள்ளதாக தெரிகிறது.

இந்நிலையில் இதே சுதந்திர தின விடுமுறையை கணக்கில் கொண்டு, விஷாலின் துப்பறிவாளன் திரைப்படமும் ஆகஸ்ட் மாதம் இரண்டாம் வாரத்தில் (ஏப்ரல் 11) வெளியாகலாம் என கூறப்படுகிறது.
இதுமட்டுமல்லாமல் ஏ.ஆர்.முருகதாஸ் இயக்கத்தில் மகேஷ்பாபு நடித்துள்ள “ஸ்பைடர்” திரைப்படமும் , தமிழ் மற்றும் தெலுங்கு மொழியில் ஆகஸ்ட் இரண்டாம் வாரம் வெளியிட முடிவு செய்யப்பட்டுளதாக கூறப்படுகிறது. இது மகேஷ் பாபுவின் முதல் நேரடி தமிழ் படமாகும்.

இதனால் ஆகஸ்ட் இரண்டாம் வாரம் இந்த மூன்று படங்களுக்கும் மும்முனை போட்டி ஏற்பட வாய்ப்பு ஏற்பட்டுள்ளது. அந்த தேதியில் வேறு எந்த பெரிய நடிகர்களின் படங்களும் வெளியாகவில்லை என்பதால், மூன்று படங்களுக்கும் வசூல் ரீதியாக வேறு எந்த பாதிப்பும் ஏற்படாது என திரைத்துறை வட்டாரங்கள் தெரிவிக்கின்றன.

இருப்பினும் அஜித்தின் விவேகத்துடன் போட்டி போட்டு வசூலை குறைத்துக் கொள்ளாமல் ,சம யோஜிதமாக மற்ற இரண்டு படங்களின்ம் வெளியீடும் ஆகஸ்ட் மாதம் கடைசி வாரத்திற்கு ஒத்தி வைக்கப்படலாம் என கூறப்படுகிறது.

Vivegam and Thupparivalan may hit the screens on August second week