விஜய், அஜித் ஸ்டைல ஃபாலோ பண்ணுங்க: சேரனுக்கு அட்வைஸ் கொடுத்த விவேக்!

கோலிவுட்டில் இயக்குநர், நடிகர் என்று பன்முக திறமை கொண்ட சேரன் சமீபத்தில் நடந்து முடிந்த பிக் பாஸ் 3 நிகழ்ச்சியில் கலந்து கொண்டார்.

இந்த நிலையில் நேற்று திடீரென #Engalcheran என்ற ஹாஸ் டாக்கை சேரன் ரசிகர்கள் உருவாக்கி ட்விட்டரில் ட்ரெண்ட் செய்தனர். இதை எதிர்த்து மறு தரப்பினர் அதே ஹாஸ் டாக் பயன்படுத்தி ஆபாச படங்கள் மற்றும் வீடியோக்களை பதிவு செய்தனர்.

பிகில் சிறப்பு காட்சிக்கு அனுமதி இல்லை: அமைச்சர்

இது குறித்து சேரன், 'பொதுமக்கள் அனைவரும் பயன்படுத்தும் வலைத்தளங்களில் பெண்கள் இருக்கிறார்கள் என்பதையும் கருத்தில் கொள்ளாமல் ஆபாச படங்களை வீடியோக்களை இணைக்கும் முகவரியற்ற முகங்களை அரசு சட்டப்படி தண்டிக்க ஆவண செய்யவேண்டும். திருந்துவார்களா முகமற்றவர்கள்' என்று பதிவிட்டார். சேரனின் ட்வீட்டுக்கு பலரும் ஆதரவு தெரிவித்தனர்.


அந்த வகையில் நகைச்சுவை நடிகர் விவேக், 'சேரன் சார்! நீங்கள் மிக சிறந்த சமுதாய நோக்கம் உள்ள தேசிய விருது பெற்ற படைப்பாளி. ஆகவே விஜய் சொல்வது போல் “ ignore negativity”. அஜீத் சொல்வது போல் “ let go”. நல்ல கருத்தினை பதிவிட்டு அமைதி, ஆனந்தமுடன் இருங்கள். Peace to all' என்று அட்வைஸ் செய்துள்ளார்.


இதற்கு பதிலளித்த சேரன், 'மகிழ்ச்சி சார். இது பொது மக்களுக்கான பதிவும் கூட.. நிறைய பெண்களோட பக்கங்கள்ல ஆபாச வார்த்தைகள், படங்கள்னு பதிவிடுற பழக்கம் உள்ளவங்களுக்கு.. அவங்க வீட்டிலும் பெண்கள் இருக்காங்கன்னு சொல்றதுக்கு.. நம்ம கார்ல போயிர்றோம் சார்..இன்னும் சைக்கிள், பைக் மற்றும் நடந்துபோற மக்கள் இருக்காங்களே' என்று குறிப்பிட்டுள்ளார்.