விஜய் சேதுபதி படத்திற்கு இசையமைக்கும் இரட்டையர்கள்!

நடிகர் விஜய் சேதுபதி தமிழ் சினிமாவில் நெ.1 ஹீரோவாக இருந்து வருகிறார். அவர் நடிப்பில் வெளியாகும் எல்லா படங்களுமே வெற்றிப் படங்களாக அமைகின்றன. தற்போது அவர் பல படங்களில் பிஸியாக நடித்து வருகிறார்.

இந்நிலையில் பல வெற்றி படங்களை தயாரித்த பாரம்பரிய நிறுவனமான ‘விஜயா புரொடக்க்ஷன்ஸ்’ தயாரிப்பில் ஒரு படத்தில் நடிக்கவுள்ளார் நடிகர் விஜய் சேதுபதி. இந்தப் படத்தை இயக்குனர் விஜய் சந்தர் இயக்குகிறார். படத்தில் விஜய் சேதுபதிக்கு ஜோடியாக ராஷி கண்ணா நடிக்கிறார். மேலும் காமெடி கேரக்டரில் நடிகர் சூரி நடிக்கிறார்.

இந்தப் படத்திற்கு இரட்டை இசையமைப்பாளர்கள் விவேக் & மெர்வின் ஆகியோர் இணைந்து இசையமைக்கின்றனர். இவர்கள் ஏற்கனவே ‘புகழ்’, ‘டோரா’, ‘குலேபகாவலி’ உள்ளிட்ட பல படங்களுக்கு இசையமைத்துள்ளனர். இவர்களின் இசையில் வெளிவந்த ஒரசாத பாடல் இளைஞர்களிடையே ஏகோபித்த வரவேற்பை பெற்றது.

சத்யஜோதி பிலிம்ஸ் நிறுவனம் தயாரிக்கவுள்ள இரண்டு படங்களுக்கும் இந்த இரட்டையர்கள்தான் இசையமைக்கின்றனர். விஜய் சேதுபதி படத்திற்கு இசையமைப்பது மகிழ்ச்சியாக உள்ளது என இருவரும் தெரிவித்துள்ளனர்.