ஹன்சிகாவை பாராட்டி தள்ளிய விவேக்: என்ன காரணம் தெரியுமா?

சினிமாவில் காமெடி காட்சிகளில் நடிக்கும் போது கூட தன்னால் முடிந்த பல்வேறு நல்ல கருத்துக்களை மக்களுக்காக திரைப்படங்கள் கூறி வருபவர் விவேக். திரைப்படங்கள் மட்டுமின்றி நிஜ வாழ்க்கையிலும் அவர் பல நல்ல விஷயங்களை செய்து வருகிறார். குறிப்பாக மரம் நடுவதில் அவர் அதிக அக்கறை செலுத்தி வருகிறார்.

இந்நிலையில் நேற்று விவேக் ஒரு முக்கிய ரோலில் நடித்திருக்கும் சிங்கம் 2 படம் டிவியில் ஒளிபரப்பாகி இருந்தது சிங்கம் முதல் பாகம் மற்றும் இரண்டாம் பாகத்தில் விவேக்கின் காமெடி பெரிய அளவில் ஒர்க் அவுட் ஆகியிருக்கும். அதைப் பார்த்து விழுந்து விழுந்து சிரித்த ரசிகர்கள் ஏராளம்.

சிங்கம் 2 படத்தில் ஹன்சிகா மோத்வானி முக்கிய ரோலில் நடித்திருந்தார். அவள் பள்ளி மாணவி ரோலில் நடித்திருப்பார். சூர்யாவை துரத்தி துரத்தி அவர் காதலிப்பார். நேற்று டிவியில் சிங்கம்2 படம் ஒளிபரப்பான நிலையில் அதை பற்றி ட்விட்டரில் விவேக் பதிவிட்டிருக்கிறார். குறிப்பாக அவர் ஹன்சிகாவை பெரிய அளவில் பாராட்டி பேசியிருக்கிறார். அவர் கூறியிருப்பதாவது..

"சிங்கம் 2 படத்தில் அனைவருக்கும் ஹன்சிகாவின் நடிப்பு பிடித்திருக்கும். சினிமா துறையில் இருக்கும் மிக அழகான நடிகைகளில் ஒருவர். வெளித்தோற்றம் அழகாக இருப்பதால் மட்டும் மற்றவர்களை ஈர்க்க முடியாது, நல்ல இதயம் வேண்டும். அவர் ஆதரவற்ற குழந்தைகள் பலருக்கு உதவி செய்து கொண்டிருக்கிறார், மார்பக புற்றுநோய் இருக்கும் பெண்களுக்கு உதவி செய்து கொண்டிருக்கிறார். அவருக்கு பெரிய சல்யூட்" என விவேக் குறிப்பிட்டு இருக்கிறார்.

இதற்கு ஹன்சிகா ட்விட்டரில் நன்றி கூறி இருக்கிறார்.


ஹன்சிகா தற்போது மஹா என்ற படத்தை மட்டும் கைவசம் வைத்திருக்கிறார். அந்த படத்தில் சிம்பு ஒரு கெஸ்ட் ரோலில் நடித்து உள்ளது குறிப்பிடத்தக்கது. இந்த படம் தொடர்ந்து தாமதமாகி வரும் சூழ்நிலையில் அடுத்த வருடம் தான் வெளிவரும் என எதிர்பார்க்கப்படுகிறது.

மேலும் ஹன்சிகா அடுத்து நடிகர் தனுஷுக்கு ஜோடியாக ஒரு படத்தில் நடிக்க உள்ளார் என கூறப்படுகிறது. ஆனால் அது பற்றிய அதிகாரப்பூர்வ அறிவிப்பு எதுவும் வரவில்லை. தனுஷின் 44வது படத்தில் தான் அவர் ஜோடி சேர்ந்து நடிக்க உள்ளார் என கூறப்படுகிறது. ஹன்சிகா தனுஷுக்கு ஜோடியாக மாப்பிள்ளை படத்தில் நடித்து தான் அதிகம் பாப்புலர் ஆனார் என்பது குறிப்பிடத்தக்கது. அதனை தொடர்ந்து அவர் இரண்டாவது முறையாக மீண்டும் தனுஷ் உடன் கூட்டணி சேர்கிறார்.