தற்கொலை
விஜே சித்ரா கடந்த 2020ஆம் ஆண்டு கடந்த டிசம்பர் 9ஆம் தேதி சென்னை நசரத்பேட்டையில் உள்ள ஹோட்டலில் சடலமாக கண்டெடுக்கப்பட்டார். அவரது கணவர் ஹேமந்த்துடன் ஏற்பட்ட பிரச்சனையில் சித்ரா தூக்கிட்டு தற்கொலை செய்து கொண்டதாக தகவல் வெளியானது.
'புதுசா வீட்டுக்கு வந்த 2 நாய்கள்'... இமானின் முன்னாள் மனைவி போட்ட பரபரப்பு டிவிட்!
தொடர்பில்லை
இதுதொடர்பாக சித்ராவின் கணவர் ஹேமந்த் கைது செய்யப்பட்டு சிறையில் அடைக்கப்பட்டார். இந்நிலையில் தற்போது நிபந்தனை ஜாமீனில் வெளியே வந்துள்ளார் ஹேமந்த். வெளியே வந்துள்ள ஹேமந்த் சித்ரா மரணத்திற்கும் தொடர்பில்லை என கூறி வருகிறார்.
கைரேகை நிபுணர்கள்
இந்நிலையில் ஓய்வுபெற்ற காவல்துறை அதிகாரியான வரதராஜன் சித்ரா மரண வழக்கில் காவல்துறை சரியாக கையாளவில்லை என குற்றம்சாட்டியுள்ளார். சித்ரா மரணமடைந்த போது கைரேகை நிபுணர்கள் விசாரிக்கவில்லை என்றும் அந்த இடத்தில் கைரேகை ஆதாரங்களை கைப்பற்றவில்லை என்றும் கூறியுள்ளார்.
சிசிடிவி காட்சிகள்
சித்ரா மரணம் தொடர்பாக சரியாக விசாரணை நடத்தப்படவில்லை என்றும், சிசிடிவி காட்சிகள் குறித்து ஆய்வு செய்யவில்லை என்றும் கூறியுள்ளார். இதுபோன்ற சம்பவங்கள் நடக்கும் போது ஹோட்டல் நிர்வாகமே வழக்கிற்கு பயந்து சிசிடிவி காட்சிகளை அழித்துவிடும் என்றும் தெரிவித்துள்ளார்.
முதல்வருக்கு கோரிக்கை
சிபிசிஐடி விசாரணையில் உண்மை தெரியவரும் என்று கூறியுள்ள வரதாராஜன், சித்ரா போன்ற பெண்ணுக்கு நீதி கிடைக்காவிட்டால் யாருக்கு நீதி கிடைக்கும் என்று கேள்வி எழுப்பியுள்ளார். அவர்களுக்கெல்லாம் நீதி கிடைக்காவிட்டால் எதற்கு முதல்வர் ? எதற்கு ஆளும்காட்சி என்று கூறியுள்ள வரதராஜன், முதல்வர் ஸ்டாலின் காவல்துறை நிர்வாகத்தை சரி செய்ய வேண்டும் என்றும் கோரிக்கை விடுத்துள்ளார்.