யார் மேலேயும் நம்பிக்கை வரல: கண்ணீர் விட்ட விஜே மகேஸ்வரி!

சன் மியூசிக்கில் தொகுப்பாளினியாக அறிமுகமாகி இன்று பல சின்னத்திரை சேனல்களின் நிகழ்ச்சிகளை தொகுத்து வழங்கி வருபவர் விஜே மகேஸ்வரி. இவர் தற்போது தனது சமூக வலைத்தள பக்கத்தில் கிளாமரான போட்டோ ஷுட் புகைப்படங்களை போஸ்ட் செய்து ரசிகர்கள் மத்தியில் பிரபலமாகி வருகிறார்.

மகேஸ்வரி வருடங்களுக்கு முன்பு திருமணம் செய்து கொண்டு மீடியாவில் இருந்து விலகி இருந்தார். பின்னர் நீண்ட இடைவேளைக்குப் பிறகு ஜீ தமிழ் மூலம் ரீஎன்ட்ரி ஆன மகேஸ்வரி, பல நிகழ்ச்சிகளை தொகுத்து வழங்கி வந்தார். ஒரு சில சின்னத்திரை சீரியல்களில் நடித்துள்ள இவர் தற்போது சினிமாவில் பல படங்களில் நடித்து வருகிறார்.

மகேஸ்வரி தற்போது விக்ரம், மகான், சாணிக்காயிதம் உள்ளிட்ட பல படங்களில் பிஸியாக நடித்து வருகிறார். இதில் லோகேஷ் கனகராஜ் இயக்கத்தில் கமல் மற்றும் விஜய் சேதுபதி இணைந்து நடிக்கும் 'விக்ரம்' படத்தில் ஒரு முக்கிய கதாபாத்திரத்தில் நடித்து வருகிறார் மகேஸ்வரி. அண்மையில் வெளியான சமுத்திரக்கனி நடிப்பில் வெளியான 'ரைட்டர்' படத்திலும் நடித்திருந்தார்.

'ஜெய் பீம்' படத்தால் உண்மையை போஸ்ட் மார்டம் செய்துள்ளோம் - தா.செ. ஞானவேல்
இந்நிலையில், விவாகரத்து பெற்று ஒரு குழந்தையுடன் வாழ்ந்துவரும் மகேஸ்வரி ஒரு பேட்டியில் தன்னுடைய திருமண வாழ்க்கை பற்றி மனம் திறந்து பேசியுள்ளார். அதில், என்னுடைய முதல் திருமணம் சில காரணங்களால் விவாகரத்து வரை சென்றது. பிறகு நான் இரண்டாவது கல்யாணத்தைப் பற்றி யோசிக்கவே இல்லை. எனக்கு யார் மேலேயும் நம்பிக்கை வர மாட்டேங்குது, என்னுடைய பையன், என்னுடைய அம்மா, என்னுடைய வேலை இதில் மட்டும்தான் நான் தற்போது கவனம் செலுத்தி வருகிறேன்.

என்னை புரிந்து கொண்டு, என்னுடைய பையனையும் ஏத்துக்கிற மாதிரி ஒரு துணையை என்னால தேர்ந்தெடுக்க முடியவில்லை. இதனால் இரண்டாவது திருமண வாழ்க்கை சரியாக இருக்குமா என்ற பயம் எனக்குள் இருக்கிறது. என் அம்மாவைப் போலவே நானும் சிங்கிள் மதராக இருக்கிறேன் என்று உருக்கமாக பேசியுள்ளார் மகேஸ்வரி. மேலும், கணவர் இல்லாமல் தனியாக ஒரு குழந்தையை வளர்ப்பது ரொம்ப கஷ்டம் என்று கண்ணீருடன் தெரிவித்துள்ளார்.