இந்த வாய்ஸ்லாம் வேணாம்…விஜய் சேதுபதியால் அவெஞ்சர்ஸ் படத்தை வச்சு செய்யும் ரசிகர்கள்!

தமிழில் டப் செய்யப்பட்டு வெளியான ஹாலிவுட் படம் அவெஞ்சர்ஸ் எண்ட்கேம் படத்திற்கு நடிகர் விஜய் சேதுபதி குரல் கொடுத்துள்ளார்.

திரைக்கு வருவதற்கு முன்னரே ஹாலிவுட் படமான அவெஞ்சர்ஸ் எண்ட்கேம் தமிழ் ராக்கர்ஸ் இணையதளத்தில் திருட்டுத்தனமாக வெளியாகிவிட்டது. எனினும், அறிவித்தபடி, இன்று உலகம் முழுவதும் வெளியாகியுள்ளது. எனினும், அமெரிக்கா மற்றும் சீனாவில் இப்படத்திற்கு நல்ல வரவேற்பு கிடைத்து வருகிறது. முதல் நாளில், உலகம் முழுவதும் இப்படம் 169 மில்லியன் டாலர் வரை வசூல் குவித்துள்ளது என்று விக்கிபீடியா பக்கத்தில் தெரிவிக்கப்பட்டுள்ளது

தேவராட்டம் படத்தின் ஆத்தா தொட்டிலிலே அரைநாழி ஆடலியே பாடல் லிரிக் வீடியோ!


இப்படத்திற்கு ஏ.ஆர்.முருகதாஸ் வசனம் அமைத்துள்ளார். விஜய் சேதுபதி குரல் கொடுத்துள்ளார். கிட்டத்தட்ட 400 மில்லியன் டாலர் வரை செலவு செய்து இப்படம் உருவாக்கப்பட்டுள்ளது. விஜய் சேதுபதியின் குரலில் தமிழில் டப் செய்யப்பட்டு வெளியான இப்படம் ரசிகர்களிடம் எதிர்மறையான விமர்சனத்தை பெற்று வருகிறது. அதோடு, இப்படத்தை கலாய்க்கவும் செய்துள்ளனர்.

ஆம், ஒரு சிலர் படம் அருமை என்றும், ஒரு சிலர் படம் சுமார் என்றும் கூறி வருகின்றனர். ஆனால், முழுக்க முழுக்க விஜய் சேதுபதியின் குரலை வைத்து தான் பலரும் அவெஞ்சர்ஸ் படத்தை கலாய்த்து வருகின்றனர்.