எழுத்தாளரை விளாசிய ஏ.ஆர். ரஹ்மான் மகள் நிஜத்தில் எப்படிப்பட்டவர் தெரியுமா?

இசைப்புயல் ஏ.ஆர். ரஹ்மானின் மகள் கதிஜா எங்கு சென்றாலும் கண்கள் மட்டுமே தெரியும்படி புர்கா அணிகிறார். இதை பிரபல எழுத்தாளர் தஸ்லிமா நஸ்ரின் மூச்சு முட்டுவதாக ட்விட்டரில் விமர்சித்தார். அதை பார்த்த கதிஜா அவருக்கு தக்க பதில் அளித்தார். தான் விரும்பி புர்கா அணிவதாகவும், தனக்கு மூச்சு முட்டவில்லை என்றும் சூப்பராக பதிலடி கொடுத்தார். இந்நிலையில் கதிஜா பற்றி தெரிந்து கொள்வோம்.

கதிஜா பற்றி கல்லூரியில் அவருடன் படித்த பெண் ஒருவர் நம்மிடம் கூறியதாவது, உலகப் புகழ் பெற்ற ஒரு இசையமைப்பாளரின் மகள் கதிஜா என்றே கூற முடியாது. அந்த அளவுக்கு அவர் சிம்பிளானவர். அதிகம் பேச மாட்டார். தான் உண்டு தன் வேலை உண்டு என்று இருப்பார். மிகவும் இபாதத்தான பெண். தொழுகையை ஒருபோதும் விட மாட்டார். சரியான நேரத்திற்கு தொழுவார் என்றார்.

பெரிய வீட்டு பெண் என்கிற திமிர் கதிஜாவிடம் கொஞ்சம் கூட இருக்காது. சாதாரண வீட்டு பிள்ளை போன்றே நடந்து கொள்வார். எப்பொழுதும் இறைவனுக்கு நன்றி சொல்வார் என்று கதிஜா பற்றி அந்த பெண் மேலும் தெரிவித்துள்ளார். ரஹ்மானின் மற்றொரு மகள் புர்கா அணிவது இல்லை. மகள்கள் எதை விரும்பி அணிகிறார்களோ அதை அவர்கள் விருப்பப்படி அணியட்டும் என்று விட்டுவிட்ட ரஹ்மானை பலரும் பாராட்டியுள்ளனர்.

கதிஜா தனது குடும்பத்தாருடன் வெளிநாட்டிற்கு சென்றுள்ளார். அங்கும் புர்கா அணிந்து தந்தை மற்றும் தங்கையுடன் சேர்ந்து எடுத்த புகைப்படத்தை இன்ஸ்டாகிராமில் வெளியிட்டுள்ளார். அந்த புகைப்படத்துடன் சேர்த்து அவர் போட்ட ஹேஷ்டேகுகள் தான் தஸ்லிமா மட்டும் அல்ல கதிஜாவை விமர்சிக்கும் அனைவரின் முகத்திலும் ஓங்கி அறைந்தது போன்று உள்ளது. அந்த பெண் தான் விரும்பியதை செய்வதை விமர்சிக்கும் உரிமை யாருக்கும் இல்லை. நீ நடத்துமா ராசாத்தி.