தனுஷ்
சமையல் கலைஞராக வேண்டும் என்கிற கனவோடு இருந்தவர் தனுஷ். இந்நிலையில் தான் ஒரு சுபயோக சுபதினத்தில் தனுஷ் நடிகராகிவிட்டார். அவரை கட்டாயப்படுத்தி நடிகராக்கியது அப்பா கஸ்தூரிராஜா தான். முதலில் விருப்பமில்லாமல் நடித்த தனுஷ் தற்போது முன்னணி நடிகராகிவிட்டார்.
சொத்து மதிப்பு
தனுஷ் படம் ஒன்றுக்கு ரூ. 12 முதல் ரூ. 15 கோடி சம்பளம் வாங்குகிறார். இந்நிலையில் 2022ம் ஆண்டு கணக்குப்படி தனுஷின் சொத்துமதிப்பு ரூ. 160 கோடி என்று தகவல் வெளியாகியுள்ளது. இருப்பினும் இது குறித்து அதிகாரப்பூர்வ அறிவிப்பு எதுவும் இதுவரை வெளியாகவில்லை.
ரூ. 15 கோடி
மித்ரன் ஜவஹர் இயக்கத்தில் தனுஷ் நடித்திருக்கும் திருச்சிற்றம்பலம் படம் ஆகஸ்ட் 18ம் தேதி தியேட்டர்களில் ரிலீஸாகவிருக்கிறது. அந்த படத்தில் நடிக்க தனுஷுக்கு ரூ. 15 கோடி சம்பளம் கொடுக்கப்பட்டுள்ளதாம். கர்ணனை அடுத்து தனுஷ் நடிப்பில் தியேட்டரில் வெளியாகும் படம் திருச்சிற்றம்பலம்.
ரசிகர்கள்
பல ஆண்டுகளாக நடித்து வரும் தனுஷ் தன் சம்பளத்தை உயர்த்த வேண்டும் என்று ரசிகர்கள் தெரிவித்துள்ளனர். நடிப்பு ராட்சனான அவருக்கு ரூ. 15 கோடி சம்பளமே குறைவு என்கிறார்கள் ரசிகர்கள். தனுஷ் தாராளமாக ரூ. 25 கோடிக்கு மேல் வாங்கலாம் என்கிறார்கள்.