கேப்டன் மில்லர்
அருண் மாதேஸ்வரன் இயக்கத்தில் தனுஷ் நடிக்கும் கேப்டன் மில்லர் படத்தின் அறிவிப்பு வீடியோவை வெளியிட்டார்கள். வீடியோ வெளியான 24 மணிநேரத்திற்குள் 5. 5 மில்லியன் வியூஸ் கிடைத்திருக்கிறது. கோலிவுட்டில் குறைந்த நேரத்தில் அதிகம் பார்க்கப்பட்ட அறிவிப்பு வீடியோ என்கிற சாதனை படைத்திருக்கிறது கேப்டன் மில்லர்.
பட்ஜெட்
கேப்டன் மில்லர் படத்தை சத்யஜோதி ஃபிலிம்ஸ் நிறுவனம் தயாரிக்கிறது. பான் இந்திய படமாக உருவாகும் கேப்டன் மில்லர் பெரும் பொருட்செலவில் எடுக்கப்படுகிறதாம். தனுஷின் கெரியரில் மிகப் பெரிய பட்ஜெட் கொண்ட படம் கேப்டன் மில்லர் தான் என்பது குறிப்பிடத்தக்கது.
கேங்ஸ்டர்
கேங்ஸ்டர் டிராமா தான் கேப்டன் மில்லர். படத்தில் மூன்று வித்தியாசமான லுக்கில் வருகிறாராம் தனுஷ். கேப்டன் மில்லருக்கு ஜி.வி. பிரகாஷ் குமார் இசையமைக்கிறார். அருண் மாதேஸ்வரனின் முந்தைய படங்களான ராக்கி, சாணிக் காயிதம் போன்று இல்லாமல் கேப்டன் மில்லர் பக்கா கமர்ஷியல் படமாக உருவாகிறதாம். படப்பிடிப்பு விரைவில் துவங்கவிருக்கிறது.
வாத்தி
தனுஷ் தற்போது வெங்கி அட்லுரி இயக்கத்தில் வாத்தி படத்தில் நடித்து வருகிறார். படப்பிடிப்பு இறுதி கட்டத்தை எட்டியிருக்கிறது. இது தவிர்த்து தன் அண்ணன் செல்வராகவன் இயக்கத்தில் நானே வருவேன் படத்தில் நடித்து முடித்திருக்கிறார். அந்த படத்தில் தனுஷ் இரண்டு வேடங்களில் நடித்திருக்கிறார். மேலும் படத்தை இயக்கியதுடன் தன் தம்பியுடன் சேர்ந்து நடிக்கவும் செய்திருக்கிறார் செல்வராகவன்.