விரைவில் 'பாகுபலி' பிரபாசுக்கு டும் டும் டும்!

ஹைதராபாத்: 'மகிழ்மதி' அரசனாக அடையாளம் காணப்படும் 'பாகுபலி' பிரபாஸ் விரைவில் திருமணம் செய்யவிருப்பதாக செய்திகள் உலா வருகின்றன.

பிரபாஸ்(37), விசாகப்பட்டினத்தைச் சேர்ந்த பெண்ணை மணமுடிக்கவிருப்பதாக தகவல்கள் தெரிவிக்கின்றன. வருகிற டிசம்பர் மாதம் திருமண நிச்சயதார்த்தம் நடைபெறவிருப்பதாகவும், அடுத்த ஆண்டு விசாகப்பட்டினத்தில் திருமணம் நடைபெறவிருப்பதாகவும் கூறப்படுகிறது.

இது பெரியோர்களால் நிச்சயிக்கப்பட்ட திருமணம் என்றும், இருவீட்டார் சம்மதத்துடன் இருவரும் பழகி வருவதாகவும் கூறப்படுகிறது. 'பாகுபலி 2' பணிகளை முழுவதுமாக முடித்துவிட்டு பிரபாஸ் தனது திருமணம் குறித்த அறிவிப்பை வெளியிடுவார் என எதிர்ப்பார்க்கப்படுகிறது.

பிரபாஸ் நடிப்பில் உருவாகியுள்ள 'பாகுபலி 2' திரைப்படம் அடுத்த ஆண்டு ஏப்ரல் மாதம் 28ஆம் தேதி வெளியாகும் என அறிவிக்கப்பட்டுள்ளது.