ராஜீவ்மேனன் மற்றும் ஜி.வி.பிரகாஷ் கூட்டணி என்ன ஆனது?

ராஜீவ் மேனன் இயக்கத்தில் ஜி.வி.பிரகாஷ் நடிப்பில் உருவாக இருந்த ‘சர்வம் தாள மயம்’ படம் என்ன ஆனது என்று தெரியவில்லை.

நடிகரும், இசையமைப்பாளருமான ஜி.வி. பிரகாஷ், ‘புரூஸ்லி’ படத்தை அடுத்து ‘அடங்காதே’, ’4 ஜி’, ‘நாச்சியார்’, ‘ஐயங்கரன்’, ‘செம, குப்பத்து ராஜா’, ‘சர்வம் தாள மயம்’ என பல படங்களில் நடிக்க கால்ஷீட் கொடுத்துள்ளார். இதில் ‘சர்வம் தாள மயம்’ படத்தை ராஜீவ்மேனன் இயக்கவிருந்தார். படத்திற்கு ஏ.ஆர்.ரகுமான் இசையமைக்கவும் ஒப்புக் கொண்டார். இதனால் தனது மாமா ரகுமானின் இசையில் முதன்முதலாக நடிக்கப்போகிற உற்சாகத்தில் இருந்தார் ஜி.வி.பிரகாஷ்.

ஆனால் அந்த படம் அறிவிக்கப்பட்டதோடு சரி, இன்னும் படவேலைகள் எதுவும் தொடங்கப்படவில்லை. 6 மாதம் கழித்துதான் அப்படத்தை தொடங்க திட்டமிட்டிருக்கிறாராம் ராஜீவ்மேனன். காரணம், தற்போது இந்தியில் ஒரு படத்திற்கு ஒளிப்பதிவு செய்து கொண்டிருக்கிறார் ராஜீவ்மேனன். அந்த பட வேலைகள் முடிவதற்கு இன்னும் 6 மாதம் ஆகுமாம். அந்த படத்தை முடித்த பிறகுதான் ‘சர்வம் தாள மயம்’ படத்தை தொடங்குகிறாராம். அதனால் அந்த படத்திற்கு கொடுத்திருந்த கால்சீட்டை தற்போது ‘நாச்சியார்’ படத்திற்கு பயன்படுத்தி நடித்து வருகிறார் ஜி.வி.பிரகாஷ்.