’தல’ அஜித் வாங்கிய முதல் சம்பளம் எவ்வளவு தெரியுமா?

அஜித் குமார் தான் அறிமுகமான படத்தில் எவ்வளவு சம்பளம் வாங்கினார் என்பதை அந்த படத்தின் இயக்குநர் சுரேஷ் மேனன் பகிர்ந்து கொண்டுள்ளார்.

நடிகரும், இயக்குநனருமான சுரேஷ் மேனன், நீண்ட இடைவேளைக்கு பிறகு தமிழ் சினிமாக்களில் நடித்து வருகிறார். இவர் இயக்கிய ‘ பாசமலர்கள் ‘ படத்தில்தான், நடிகர் அஜித் ஒரு சிறிய கதாபாத்திரத்தின் மூலம் தமிழ் சினிமாவுக்கு அறிமுகமானார். இந்நிலையில் பாசமலர்கள் படத்திற்கு நடிகர் அஜித் எவ்வளவு சம்பளம் வாங்கினார் என்பதை தனது பேஸ்புக் பதிவில் பகிர்ந்துள்ளார் சுரேஷ் மேனன்.

“1993-ஆம் ஆண்டு, நான் இயக்கிய பாசமலர்கள் படத்தில் அஜித் ஒரு நிமிடம் வந்து போகக் கூடிய ஒரு சிறிய கதாபாத்திரத்தில் நடித்திருந்தார். அப்போது இருப்பது போலவே, இப்போதும் அதே கவர்ச்சியோடும், நட்புணர்வோடும் அஜித் இருக்கிறார். இன்று அவரது சம்பளம் 25 கோடியாக இருக்கிறது. ஆனால் அந்த ஒரு நிமிட காட்சிக்காக அவர் வெறும் 2500 ரூபாய் மட்டுமே சம்பளமாக வாங்கினார்.” என சுரேஷ் மேனன் தெரிவித்துள்ளார்.



What is the first salary of Thala Ajith?