ஹோட்டல் அறையில் அஜித் பட்ட அவமானம்... அன்பு செழியனுடனான பகை இதுதான்... அம்பலப்படுத்திய பிரபலம்!

தமிழ் சினிமாவின் மாஸ் நடிகர்களில் ஒருவர் நடிகர் அஜித். எந்த சினிமா பின்புலமும் இல்லாமல், உழைப்பால் உயர்ந்தவர். இன்று கோடிக்கணக்கான ரசிகர்களுக்கு 'தல'யாக உள்ளார். அஜித்தின் படங்கள் வசூலையும் வாரி குவித்து வருகிறது.

தன்னை விளம்பரப்படுத்தி கொள்ள ஆர்வம் காட்டாத அஜித் சமூக வலைதளங்களில் கூட எந்த கணக்கும் வைத்திருக்கவில்லை. தான் உண்டு தன் வேலை உண்டு என்றிருக்கும் அஜித் தனது ரசிகர்களையும் அப்படியே இருக்க வலியுறுத்தி வருகிறார்.

இந்நிலையில் நடிகர் அஜித் கடந்த சில ஆண்டுகளுக்கு முன்பு பிரபல இயக்குநர் மற்றும் தயாரிப்பாளரால் அவமானப்படுத்தப்பட்ட தகவல் தற்போது வெளியாகியுள்ளது. அதாவது நான் கடவுள் படத்திற்காக இயக்குநர் பாலா முதலில் நடிகர் அஜித்தைதான் புக் செய்தார். ஆனால் அஜித் பின்னர் அந்தப் படத்தில் நடிக்க மறுத்துவிட்டார்.

இதனால் அஜித்தை ஒரு ஹோட்டலுக்கு வரவழைத்து இயக்குநர் பாலா இன்னும் சில தயாரிப்பாளர்கள் மற்றும் பைனான்சியர் அன்புசெழியன் ஆகியோர் சேர்ந்து நடிகர் அஜித்தை அவமானப்படுத்தினார்களாம். அதனால்தான் நடிகர் அஜித், அன்பு செழியனின் மகள் திருமணத்திற்கு அழைப்பிதழை கொடுக்க கூட வாய்ப்பு கொடுக்கவில்லையாம்.

இந்த தகவலை பிரபல பத்திரிகையாளரான வலைப்பேச்சு பிஸ்மி தனது சமீபத்திய பேட்டியில் கூறியுள்ளார். பைனான்சியரும் தயாரிப்பாளருமான அன்பு செழியன் சமீபத்தில் தனது மகளுக்கு திருமணம் செய்தார். அப்போது ரஜினி, கமல், விஜய் மற்றும் பல நடிகர்களை நேரில் சந்தித்து அழைப்பிதழ் வழங்கினார். அந்த போட்டோக்கள் வெளியானது.

ஆனால் அஜித்துக்கு அழைப்பிதழ் வழங்கிய போட்டோ மட்டும் வெளியாகவில்லை. இதற்கு காரணம் அஜித், அன்புசெழியனை சந்திக்க விரும்பவில்லை என கூறப்படுகிறது. ஆனால் அஜித்தை வைத்து நேர்கொண்ட பார்வை, வலிமை ஆகிய படங்களை தயாரித்த போனீ கபூருக்கு அன்பு செழியன் அழைப்பிதழ் வழங்கியது குறிப்பிடத்தக்கது.