உடல் உறுப்பு தானம் செய்த கமல், ரஜினி, விஜய்சேதுபதி!

தானத்திலும் சிறந்த தானம் உடல் உறுப்பு தானம் என்பதால், அதை பொதுமக்களுக்கு பிரகடனப்படுத்தும் வகையில் திரைத்துறை பிரபலங்கள் தாமாகவே முன்வந்து உடல் உறுப்பு தானத்தில் ஈடுபட்டனர்.

சர்வதேச உடல் உறுப்புதான தினம் நேற்று கொண்டாடப்பட்டது. இதனை முன்னிட்டு தமிழக திரைப்பட நடிகர்கள் பலர் தானாகவே முன்வந்து உடல் உறுப்பு தானத்தில் ஈடுபட்டுள்ளனர். நடிகர்கள் தாமகவே முன்வந்து உடல் உறுப்பு தானத்தில் ஈடுபடுவதால், அது ரசிகர்களுக்கு சிறந்த முன்மாதிரியாக அமைந்துள்ளது.

நடிகர் கமல் முதல் முறையாக தாமாகவே முன்வந்து உடல் உறுப்பு தானத்தில் ஈடுபட்டார். அவரது கண் மற்றும் பிற உறுப்புகளை இலவசமாக தானம் செய்யும் கோப்புகளில் கையெழுத்திட்டார். இவரை தொடர்ந்து இவரது ரசிகர்களும் உடல் உறுப்பு தானத்தில் ஈடுபட்டனர்.

இவர்களுக்கு முன்பே சூப்பர் ஸ்டார் ரஜினிகாந்த், மனிதன் படத்தின் வெள்ளி விழா நிகழ்ச்சியில் கலந்து கொண்டு, உடல் உறுப்பு தானத்தின் முக்கியத்துவத்தை பற்று பேசினார். பின்பு அவரும் உடல் உறுப்பு தானத்தில் ஈடுபட்டார்.

இவர்களைப் போன்று நடிகர் விஜய் சேதுபதி, நடிகர் சங்கத் தலைவர் விஷால், சரத் குமார், திரிஷா, சூர்யா, மாதவன், நடிகை சமந்தா, பிரசன்னா மற்றும் சிநேகா தம்பதியர், காஜல் அகர்வால் ஆகியோர் உடல் உறுப்பு தானத்தில் ஈடுபட்டனர்.
மேலும் நடிகை த்ரிஷா உடல் உறுப்பு தானம் செய்ததும், அதை பற்றிய முழுவிவரங்களை தனது சமூக வலைதள பக்கதில் பதிவிட்டுள்ளார்.

நடிகர், நடிகைகளின் இந்த செயல் அனைத்து தரப்பினராலும் பாராட்டப்பட்டுள்ளது.