அஜித்
ஷங்கர் இயக்கத்தில் ஒரு படத்திலாவது நடிக்க வேண்டும் என பல நடிகர்கள், நடிகைகள் ஆசைப்படுவது உண்டு. ஆனால் அப்படிப்பட்ட ஷங்கர் இயக்கத்தில் நடிக்க வந்த வாய்ப்பை மூன்று முறை ஏற்க மறுத்திருக்கிறார் அஜித் குமார். அவர் ஷங்கருக்கு நோ சொல்ல காரணம் இருக்கிறதாம்.
ஜீன்ஸ்
பிரசாந்த், ஐஸ்வர்யா ராய், நாசர், லக்ஷ்மி உள்ளிட்டோரை வைத்து ஷங்கர் இயக்கிய ஜீன்ஸ் படம் கடந்த 1998ம் ஆண்டு வெளியாகி சூப்பர் டூப்பர் ஹிட்டானது. அந்த படத்தில் இரட்டை வேடத்தில் நடித்திருந்தார் பிரசாந்த். ஜீன்ஸ் படத்தில் நடிக்குமாறு முதலில் அஜித்திடம் தான் கேட்டாராம் ஷங்கர். ஆனால் அவர் முடியாது என்று கூறிவிட்டாராம்.
மறுப்பு
ஜீன்ஸ் பட வாய்ப்பு வந்தபோது அஜித் கை நிறைய படங்கள் வைத்திருந்திருக்கிறார். அந்த நேரத்தில் மொத்தமாக டேட்ஸ் கேட்டிருக்கிறார் ஷங்கர். படப்பிடிப்பு அமெரிக்காவில் என்று கூறியிருக்கிறார். சாரி சார், என்னை நம்பி படம் எடுத்து வருபவர்களை விட்டுவிட்டு உங்களுக்கு மொத்தமாக டேட்ஸ் கொடுக்க முடியாது. நீங்கள் வேறு யாரையாவது நடிக்க வச்சுக்கோங்க என ஷங்கரிடம் கூறினாராம் அஜித். அதன் பிறகே அந்த வாய்ப்பு பிரசாந்துக்கு சென்றதாம்.
முதல்வன்
ஜீன்ஸை அடுத்து முதல்வன் படத்தை இயக்கினார் ஷங்கர். அர்ஜுன் நடிப்பில் வெளியான முதல்வன் படமும் பெரிய அளவில் வெற்றி பெற்றது. அந்த படத்தில் நடிக்குமாறு அஜித்திடம் கேட்டிருக்கிறார் ஷங்கர். அரசியல் சார்ந்த படத்தில் நடிக்க விரும்பவில்லை சார். மேலும் அத்தகைய படங்களில் நடிக்கும் தகுதி எனக்கு இல்லை என்று நினைக்கிறேன் என கூறிவிட்டாராம் அஜித். முதல்வன் பட வாய்ப்பு ரஜினி, விஜய்க்கும் சென்றிருக்கிறது. அவர்களும் அரசியல் மேட்டரால் நடிக்க மறுத்துவிட்டார்கள்.
Ajith: 21 வருஷமா வடிவேலுவை ஒதுக்கும் அஜித்: காரணம் அவர் சொன்ன ஒத்த வார்த்தை
எந்திரன்
ஜீன்ஸ், முதல்வன் படம் தான் போச்சு, எந்திரன் படத்திலாவது நீங்க நடிக்க வேண்டும் என அஜித்திடம் கூறினாராம் ஷங்கர். கதை கேட்ட அஜித்தோ, இது மிகவும் பிரமாண்டமான படமாக இருக்கிறது. நான் பிரமாண்டத்தை விரும்ப மாட்டேன். சாதாரண கதையில் சாதாரண ஆளாகவே நடிக்க விரும்புகிறேன். அதனால் முடியாது என்று கூறிவிட்டாராம். அஜித்தை மனதில் வைத்து எழுதிய எந்திரன் படத்தில் கடைசியாக ரஜினிகாந்த் நடித்தார்.
Dhanush: ஐஸ்வர்யாவுக்கு துரோகம் செய்த தனுஷ்?: யோவ் டுபாக்கூர், கையில கெடச்ச, அவ்ளோ தானு விளாசும் ரசிகாஸ்
ஆர்.சி. 15
அஜித் தற்போது மகிழ்திருமேனி இயக்கத்தில் ஏ.கே. 62 படத்தில் நடிக்கவிருக்கிறார். இந்நிலையில் ராம் சரணை வைத்து தான் இயக்கி வரும் ஆர்.சி. 15 படத்தில் அஜித்தை வில்லனாக நடிக்க வைக்கிறார் ஷங்கர் என தகவல் வெளியாகியிருக்கிறது. வில்லத்தனமான கதாபாத்திரத்தில் அஜித் நடித்தால் அது வேற லெவலில் இருப்பதாக ரசிகர்கள் கூறுகிறார்கள். அப்படி இருக்கும்போது தான் அஜித்தை வில்லனாக்குகிறாராம் ஷங்கர். இருப்பினும் இந்த தகவல் இதுவரை உறுதி செய்யப்படவில்லை.
Ajith: மகிழ்திருமேனி அல்ல ஷங்கருக்காக வெறித்தனமாக மாறிய அஜித்?!: ப்ப்பா, இது வேற லெவல்