முத்தக் காட்சியில் நடிக்கச் சொன்ன இயக்குநர்: சாய் பல்லவியை காப்பாற்றிய 'மீ டு'

பிரேமம் மலையாள படம் மூலம் ரசிகர்களின் மனதை கவர்ந்தவர் சாய் பல்லவி. மலர் டீச்சரை ரசிகர்கள் நினைத்தாலும் கூட மறக்க முடியாது. தமிழ், தெலுங்கு, மலையாள படங்களில் நடித்து வரும் சாய் பல்லவி பாவக் கதைகள் ஆந்தாலஜியில் நடித்துள்ளார்.

பாவக் கதைகள் ஆந்தாலஜி வரும் 18ம் தேதி நெட்ஃபிளிக்ஸில் வெளியாகவிருக்கிறது. சுதா கொங்கரா, கவுதம் மேனன், விக்னேஷ் சிவன், வெற்றிமாறன் ஆகியோர் பாவக் கதைகள் ஆந்தாலஜியை இயக்கியுள்ளனர்.

பாவக் கதைகளில் சுதா கொங்கரா இயக்கியுள்ள தங்கம் கதையில் சாந்தனு, காளிதாஸ் ஜெயராம், பவானிஸ்ரீ நடித்துள்ளனர். கவுதம் மேனன் இயக்கி, நடித்துள்ள வான்மகள் கதையில் சிம்ரன் நடித்திருக்கிறார். விக்னேஷ் சிவன் இயக்கிய லவ் பண்ண உட்றணுமில் கல்கி கொச்லின், அஞ்சலி நடித்துள்ளனர். வெற்றிமாறன் இயக்கியுள்ள ஓர் இரவில் சாய் பல்லவி, பிரகாஷ் ராஜ் நடித்திருக்கிறார்கள்.

இந்நிலையில் பேட்டி ஒன்றில் சாய் பல்லவி கூறியிருப்பதாவது,

முத்தக் காட்சியில் நடிப்பது எனக்கு சவுகரியம் இல்லை என்று நான் இயக்குநர் ஒருவரிடம் தெரிவித்தேன். அதற்கு அவரோ, நீங்கள் கண்டிப்பாக நடிக்க வேண்டும் என்று ஜோக்கடித்தார்.

இதை பார்த்த அங்கிருந்த நடிகரோ, நாளைக்கு அவர் மீ டு என்று கூறி, இந்த சம்பவத்தை தெரிவித்தால் என்ன செய்வீர்கள் என்று கேட்டார். நான் அப்படி எதுவும் நினைக்கவில்லை. ஆனால் மீ டு இயக்கம் எனக்கு உதவி செய்தது. அவர் ஜாலிக்காக கேட்டபோதிலும் நான் முடியாது என்று கூறினேன்.

தன்னை விட நான் அழகாக இருப்பதாக என் தங்கை நினைக்கிறார். அவரை விட நான் லைட்டாக கலராக இருப்பதால் அப்படி நினைக்கிறார். அவர் கண்ணாடியை பார்க்கும்போது எல்லாம் தன்னை பார்ப்பார், என்னை பார்ப்பார், அழகை பற்றி பேசுவார்.

என் தங்கையின் நிறத்தை பலரும் அவரிடம் சுட்டிக் காட்டினார்கள். இதனால் அவர் வீட்டை விட்டு வெளியே வர விரும்பியது இல்லை. அவர் சிறுமியாக இருந்தபோது வெளியே வந்தால் கிராமத்தில் உள்ளவர்கள் நீ ஏன் கருப்பாக இருக்க, விளையாடவா செல்கிறாய் என்பார்கள். சிறுமியாக இருந்தாலும் அந்த வயதில் அது அவரை மிகவும் பாதித்துவிட்டது என்றார்.

சான்ஸ் கிடைச்சும் விஜய்யை சந்திக்காத விஜே சித்ரா: ஏன் தெரியுமா?