படுக்கைக்கு அழைத்த இயக்குனரிடம் செருப்பைக் காட்டிய பாடகி!

தெலுங்கு சினிமாவில் முன்னணி பாடகிகளில் ஒருவராக இருப்பவர் பிரணவி. இவர் ‘ஸ்ரீ ராமதாசு’, ‘ஹேப்பி டேஸ்’, ‘எமதொங்கா’, ‘லயன்’ உள்ளிட்ட பல படங்களில் பாடி மிகவும் பிரபலமாக இருந்து வருகிறார். இவர் கடந்த சில ஆண்டுகளுக்கு முன்பு நடன இயக்குனர் ரகு மாஸ்டரை திருமணம் செய்து கொண்டார். இவர்களுக்கு பெண் குழந்தை ஒன்று உள்ளது.

இந்நிலையில், சமீபத்தில் பாடகி பிரணவி அளித்த பேட்டி ஒன்றில், ‘‘பிரபல இயக்குனர் ஒருவர் என்னை ஒரு பாடல் பாட வருமாறு ஸ்டூடியோவிற்கு அழைத்தார். அங்கு சென்ற பிறகு படுக்கையை பகிர்ந்தால் மட்டுமே பாட வாய்ப்பு தருவதாக அவர் ஓப்பனாகவே கூறினார். இதனால் அதிர்ச்சியடைந்த பிரணவி, “நான் சின்ன பொண்ணு. இப்போது தான் இன்டர் படிப்பை முடித்திருக்கேன்” எனத் தெரிவித்துள்ளார்.

ஆனாலும் அதை கண்டுகொள்ளாமல், தொடர்ந்து பிரணவியிடம் அவர் ஆபாசமாகவே பேசியுள்ளார். இதனால் பொறுமையிழந்த பிரணவி கோபத்தில், “செருப்பால் அடிப்பேன்” என கூறிவிட்டு அங்கிருந்து கிளம்பி வந்துவிட்டேன் என அப்பேட்டியில் தெரிவித்துள்ளார்.