அஜித்தின் ’வலிமை’ பட ஃபர்ஸ்ட் லுக் ரிலீஸ் எப்போது?

வலிமை படத்தில் அஜித் போலீஸ் ஐபிஎஸ் ஆக நடித்துள்ளார். படத்தில் அவர் பெயர் அர்ஜுன் எனவும் கூறப்படுகிறது. அஜித்திற்கு ஜோடியாக ஹூமா குரேஷி, அம்மாவாக சுமித்ரா மற்றும் வில்லனாக கார்த்திகேயா உள்பட பலர் நடித்துள்ள இந்த படத்திற்கு யுவன் சங்கர் ராஜா இசை அமைத்துள்ளார். இந்த படத்தை மிகுந்த பொருட்செலவில் போனி கபூர் தயாரித்து வருகிறார். 'தீரன்' படத்தில் இந்தி, மராத்தி நடிகர்களை அறிமுகப்படுத்தியது போல, இதிலும் பல மாநில நடிகர்களை பயன் படுத்தியிருக்கிறார் இயக்குநர் எச். வினோத்.

படத்தில் வில்லனாக தெலுங்கு நடிகர் கார்த்திகேயா கும்மகொண்டா நடித்துள்ளார். இவர் கடந்த 3 ஆண்டுகளாக தெலுங்கு திரைப்படங்களில் ஹீரோவாக நடித்து வருகிறார். இவர் இதுவரை பிரேமதோ மீ கார்த்தி, ஆர்.எக்ஸ் 100, ஹிப்பி குணா 369, 90 எம்.எல் படங்களில் ஹீரோவாக நடித்துள்ளார். இதில் ஆர்.எக்ஸ் 100 எனும் ஆக்‌ஷன் + காதல் திரைப்படம் மிகப்பெரிய ஹிட் ஆனது. அஜித்தின் ரசிகரான கார்த்திகேயா, தன்னுடைய ஃபேவரிட் தலயுடன் நடிக்க விரும்பி இப்படத்தில் நடித்துள்ளார்.

இதுல ஒரு சர்ப்ரைஸ் இருக்கு; புதிய படத்தின் போஸ்டரை வெளியிட்ட விஜய் சேதுபதி!
படத்திற்காக, இவர் பல மாதங்கள் டயட், ஃபிட்னஸ் கண்ட்ரோலில் இருந்து சிக்ஸ் பேக் உடற்கட்டு கொண்டு வந்திருக்கிறார் என்பது குறிப்பிடத்தக்கது. மேலும் இப்படத்திற்கு நீரவ் ஷா ஒளிப்பதிவு செய்ய, நேர்கொண்ட பார்வை டெக்னீஷியன் டீமே இப்படத்திலும் பணியாற்றி உள்ளார்கள். இப்படத்தில் தாயின் அன்பை உணர்த்தும் பாடல் ஒன்றைக் கொடுத்துள்ளாராம் யுவன். இது தவிர படத்தில் விக்னேஷ் சிவன் ஒரு பாடலை எழுதி உள்ளாராம்.

அப்பாடல் 'ஆலுமா டோலுமா' பாடலைப் போலவே இந்த ஆண்டின் தெறிக்கும் பாடலாக இருக்கும் எனவும் கூறப்படுகிறது. 'வலிமை' படத்தின் படப்பிடிப்பு விறுவிறுப்பாக நடைபெற்று வரும் நிலையில், இந்த படத்தின் ஒட்டுமொத்த படப்பிடிப்பும் அடுத்த மாதம் நிறைவடைந்து விடும் என்றும் தகவல்கள் வெளிவந்து கொண்டிருக்கின்றன. 'வலிமை' படத்தின் அப்டேட் கேட்டு கடந்த ஒரு வருடங்களாக அஜித் ரசிகர்கள் சமூக வலைதளங்களில் வேண்டுகோள் விடுத்து வருகின்றனர்.

சுதா கொங்கரா படத்தில் நடிக்கும் சிம்பு!
சமீபத்தில் அஜீத்தின் மேனேஜர் வெளியிட்ட அறிக்கை ஒன்றில் சரியான நேரத்தில் 'வலிமை' படத்தின் அப்டேட்கள் வரும் என்று ரசிகர்களை சமாதானப்படுத்தினார் என்பது குறிப்பிடத்தக்கது. இந்நிலையில் 'வலிமை படத்தின் ஒட்டுமொத்த படப்பிடிப்பும் முடிந்தவுடன் தான் பர்ஸ்ட் லுக் போஸ்டர் ரிலீஸ்' ஆகும் என்றும், அதன் பின்னர் ரசிகர்களை தொடர்ந்து குஷிப்படுத்தும் விதமாக அடுத்தடுத்து அப்டேட்டுகள் தொடர்ந்து படத்தின் ரிலீஸ் வரை வெளிவந்து கொண்டிருக்கும் என்ற தகவல்கள் வெளியாகி உள்ளன.