இதெல்லாம் இருக்கட்டும், நாங்க சொன்னது என்னாச்சு?: விக்கியை கேட்கும் நயன் ரசிகர்கள்

இயக்குநர் விக்னேஷ் சிவன் தன் காதலி நயன்தாராவுக்காக தயாரிப்பாளர் அவதாரம் எடுத்துள்ளார். மிலிந்த் ராவ் இயக்கத்தில் நயன்தாரா நடிக்கும் நெற்றிக்கண் படத்தை தனது ரவுடி பிக்சர்ஸ் என்கிற நிறுவனம் மூலம் தயாரிக்கிறார் விக்னேஷ் சிவன்.

இந்நிலையில் நயன்தாராவுடன் சேர்ந்து விக்னேஷ் சிவன் படப்பிடிப்பில் கலந்து கொண்டுள்ளார். முன்னதாக இயக்குநர், நடிகையாக வேலை செய்த அவர்கள் தற்போது தயாரிப்பாளர், ஹீரோயினாக பணியாற்றுகிறார்கள்.


நயன்தாரா தோளில் கையை போட்டபடி எடுத்த செல்ஃபியை இன்ஸ்டாகிராமில் வெளியிட்டுள்ளார் விக்னேஷ் சிவன். அந்த புகைப்படத்தில் நயன்தாரா தனது முகத்தை மறைத்துக் கொண்டு நிற்கிறார். விக்னேஷ் சிவன் வெளியிட்ட புகைப்படத்தை பார்த்த மொரட்டு சிங்கிள்கள் எல்லாம், உங்களுக்கு வாழ்க்கை தான், கலக்குங்க பாஸ் என்று வயித்தெரிச்சல் பட்டுள்ளனர்.

நயன்தாரா ரசிகர்கள் கூறியிருப்பதாவது,

நெற்றிக்கண்ணை திறப்பது எல்லாம் இருக்கட்டும், தலைவியை எப்பொழுது திருமணம் செய்யப் போகிறீர்கள். நீங்கள் இருவரும் விரைவில் திருமணம் செய்வீர்கள் என்று எதிர்பார்த்தால் இப்படி அடுத்தடுத்து படங்களில் கமிட்டாகி வருகிறீர்களே.

நயன்தாரா ரொம்ப பாவம், காதலோடு நிறுத்திக் கொள்ள வேண்டாம். அவரை உங்களின் மனைவியாக்கி அதன் பிறகு எத்தனை படங்களில் வேண்டுமானாலும் நடிக்க வையுங்கள். ஆனால் முதலில் திருமண வேலையை பார்க்கவும். அதன் பிறகு நெற்றிக்கண்ணை திறக்கலாம் என்று தெரிவித்துள்ளனர்.

நயன்தாராவை திருமதி. விக்னேஷ் சிவனாக பார்க்க ஆண்டுக் கணக்கில் காத்திருக்கிறார்கள் ரசிகர்கள். விக்னேஷ் சிவன் எப்பொழுது சமூக வலைதளங்களில் புகைப்படம் வெளியிட்டாலும் சிங்கிள்ஸ் சாபம் விடுவதும், ரசிகர்கள் திருமணம் பற்றி கேட்பதும் வழக்கமான ஒன்றாகிவிட்டது என்பது குறிப்பிடத்தக்கது.