இயக்குநர் ஏ.எல் விஜயின் அடுத்த ஹீரோ யார்?

இயக்குநர் ஏ.எல் விஜய் இயக்கவுள்ள அடுத்த படத்தின் ஹீரோ யார்? என்பது குறித்த தகவல்கள் வெளியாகியுள்ளன.

ஜெயம் ரவி, சாயிஷா நடிப்பில் உருவாகியுள்ள இயக்குநர் ஏ.எல்.விஜயின் “வனமகன்” திரைப்படம் விரைவில் வெளியாக இருக்கிறது. இந்த படத்தைத் தொடர்ந்து, தனது கனவுப் படமான ‘கரு’ படத்தை இயக்க இயக்குநர் ஏ.எல் விஜய் தயாராகி வருகிறார். தமிழ் மற்றும் தெலுங்கில் தயாராகவுள்ள இந்த படத்தை லைகா நிறுவனம் தயாரிக்கிறது.

கரு படத்தின் கதாநாயகனாக தெலுங்கு நடிகர் ” நாக செளர்யா” ஒப்பந்தம் செய்யப்பட்டுள்ளார். கதாநாயகியாக சாய் பல்லவி நடிப்பார் என கூறப்பட்டு வந்தது. ஆனால் அதற்கான வாய்ப்புகள் தற்போதைக்கு இல்லை என தமிழ் சினிமா வட்டாரங்கள் தெரிவிக்கின்றன.

கரு படத்தை தொடர்ந்து மலையாளத்தில் பெரும் வெற்றியடைந்த “சார்லி” படத்தின் தமிழ் ரீமேக்கை, ஏ.எல்.விஜய் இயக்க உள்ளார். இந்த படத்தின் படப்பிடிப்பானது, இந்த ஆண்டு இறுதியில் துவங்கும் என தகவல்கள் வெளியாகியுள்ளன. இந்த படத்தில் கதாநாயகனாக நடிகர் மாதவன் நடிக்க உள்ளது குறிப்பிடத்தக்கது.

Who is the hero of A.L.Vijay's next film?