Vijay Varma: மில்க் பியூட்டி தமன்னா காதலிப்பதாக கூறப்படும் விஜய் வர்மா யாராக இருக்கும் என ரசிகர்கள் கூகுள் செய்து கொண்டிருக்கிறார்கள்.
Authored byஷமீனா பர்வீன் | Samayam Tamil4 Jan 2023, 4:07 pm
தமன்னாவின் காதலர் என்று கூறப்படும் விஜய் வர்மா பற்றி தெரிந்து கொள்ள ரசிகர்கள் ஆர்வம் காட்டி வருகிறார்கள்.
தமன்னா
தமிழ், தெலுங்கு, இந்தி படங்களில் நடித்து வரும் தமன்னாவுக்கு விரைவில் திருமணம் நடக்க வேண்டும் என்பதே ரசிகர்களின் ஆசையாகும். இந்நிலையில் தான் புத்தாண்டை கொண்டாட கோவாவுக்கு சென்றார் தமன்னா. தனியாக அல்ல மாறாக பாலிவுட் நடிகர் விஜய் வர்மாவுடன். அது நட்பாக கூட இருக்கலாம் என்று நினைக்கப்பட்டபோது கோவாவுக்கு சென்ற இடத்தில் தமன்னாவும், விஜய் வர்மாவும் லிப் டூ லிப் முத்தம் கொடுத்த வீடியோ வெளியானது.
முத்தம்
உதட்டோடு உதடு வைத்து முத்தம் கொடுப்பது என்றால் விஜய் வர்மாவும், தமன்னாவும் நிச்சயம் காதலர்கள் தான். இந்த காதல் மேலும் வளர்ந்து திருமணத்தில் முடியட்டும் என தமன்னாவின் ரசிகர்கள் வாழ்த்தியுள்ளனர். தளபதி விஜய் தெரியும், விஜய் தேவரகொண்டாவை தெரியும் இது யாரு விஜய் வர்மா என்று கோலிவுட், டோலிவுட் ரசிகர்கள் கூகுள் செய்து பார்க்கிறார்கள்.
விஜய் வர்மா
தெலுங்கானா மாநிலத்தில் இருக்கும் ஹைதராபாத்தில் பிறந்து வளர்ந்தவர் விஜய் வர்மா. ஹைதராபாத்தில் மேடை நாடகங்ளில் நடித்து வந்த விஜய், மகாராஷ்டிரா மாநிலம் புனேவுக்கு சென்று முறைப்படி நடிப்பு குறித்து படித்தார். அதன் பிறகு வேலை தேடி மும்பைக்கு சென்றவர் அங்கேயே செட்டிலாகிவிட்டார். அமிதாப் பச்சன் நடிப்பில் வெளியான பிங்க் படத்தில் நடித்திருந்தார் விஜய் வர்மா. நானி, சாய் பல்லவி நடிப்பில் வெளியான மிடில் கிளாஸ் அப்பாயி தெலுங்கு படத்திலும் நடித்திருக்கிறார்.
ஜோடி
படங்கள் தவிர்த்து வெப் தொடர்களிலும் நடித்து வருகிறார் விஜய் வர்மா. மார்வாடி குடும்பத்தை சேர்ந்த விஜய் வர்மாவும் வைர வியாபாரியின் மகளான தமன்னாவும் காதலிப்பது சரி தான். இது பொருத்தமான ஜோடி. விஜய்க்கும், தம்முவுக்கும் திருமணம் நடக்க வேண்டும். அதை பார்த்து நாங்கள் சந்தோஷப்பட வேண்டும் என ரசிகர்கள் தெரிவித்துள்ளனர்.
இசை நிகழ்ச்சி
விஜய் வர்மாவும், தமன்னாவும் காதலிப்பதாக கிசுகிசுக்கப்பட்ட நிலையில் தான் முத்த வீடியோ வெளியாகியுள்ளது. முன்னதாகவும் கூட இருவரும் ஜோடியாக வெளியே சென்றதை ரசிகர்களும், புகைப்படக் கலைஞர்களும் பார்த்திருக்கிறார்கள். அண்மையில் தான் தில்ஜித் தோசஞ்சின் இசை நிகழ்ச்சியில் ஜோடியாக கலந்து கொண்டனர். மேலும் ஜோடியாக ஆடியும் அசத்தினார்கள். தமன்னாவை போன்றே விஜய் வர்மாவும் 80ஸ் கிட் ஆவார் என்பது குறிப்பிடத்தக்கது. இந்நிலையில் 80ஸ் கிட்ஸுக்கே இப்ப தான் லவ் வந்திருக்குனா, நமக்கு எப்போ செட்டாகும் என 90ஸ் கிட்ஸ் வேறு புலம்பத் துவங்கிவிட்டனர்.
டிஜிட்டல் ஊடகத்தில் தமிழ் சமயம் ஊடகத்தில் சினிமா செய்திகளை அளித்து வருகிறார். ஆங்கில இலக்கியத்தில் முதுகலை பட்டம் பெற்றவர். முன்னதாக நாட்டு நடப்பு, லைஃப்ஸ்டைல், ஸ்போர்ட்ஸ் செய்திகள் அளித்தவர்.... மேலும் படிக்க
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.