‘விஐபி 2’ பட விழாவில் ஐஸ்வர்யா தனுஷ் மிஸ்ஸிங் ஆனது ஏன்?

தனுஷ், அமலாபால், சமுத்திரக்கனி, கஜோல் உள்ளிட்டோர் நடித்துள்ள ‘விஐபி 2’ திரைப்படம் வரும் 28ம் தேதி ரிலீஸ் ஆக உள்ளது.

இப்படத்தில் பாடல் வெளியீட்டு விழா சமீபத்தில் நடந்தது. இதில் தனுஷின் மனைவியும், இயக்குனர் செளந்தர்யாவின் சகோதரியுமான ஐஸ்வர்யா கலந்து கொள்ளவில்லை.

தனுஷுக்கும், ஐஸ்வர்யாவுக்கும் இடையே பிரச்னையா? அல்லது செளந்தர்யாவுக்கும், ஐஸ்வர்யாவுக்கும் இடையே பிரச்னையா? என சந்தேகம் அனைவரிடமும் எழவே, அதற்கு முற்றுப்புள்ளி வைக்கும் விதமாக செளந்தர்யா ரஜினிகாந்த் விளக்கம் அளித்துள்ளார்.

என்னுடைய அக்கா எங்களில் அனைத்து பணிகளையும் கவனித்துக் கொண்டு தான் இருக்கின்றார். அவர் எங்களை வாழ்த்தி அனுப்புவதால் தான் எங்களால் வேலையை சிறப்பாக செய்ய முடிகின்றது. அவர் தற்போது இரண்டு படங்களுக்கான திரைக்கதையில் பிஷியாக இருப்பதால் இந்த விழாவில் கலந்து கொள்ள முடியவில்லை, மற்றபடி எந்த பிரச்னையும் இல்லை என தெரிவித்துள்ளார்.