அதென்ன பாபுஜி, அப்பான்னு சொல்ல முடியாதா?: கமலை வாழ்த்திய ஸ்ருதியை விளாசிய நெட்டிசன்ஸ்

உலக நாயகன் கமல் ஹாஸன் இன்று தனது 65வது பிறந்தநாளை கொண்டாடுகிறார். இது அவருக்கு ஸ்பெஷலான பிறந்தநாளும் கூட. ஏனென்றால் கமல் திரையுலகில் அறிமுகமாகி 60 ஆண்டுகளை நிறைவு செய்துள்ளார்.

இந்நிலையில் ஸ்ருதி ஹாஸன் தன் அப்பாவுக்கு வாழ்த்து தெரிவித்து ட்வீட் போட்டுள்ளார். அந்த ட்வீட்டை பார்த்த நெட்டிசன்கள் என்னம்மா ஸ்ருதி, இப்படி பண்றீங்களேம்மா என்று தெரிவித்துள்ளனர். அதற்கு காரணம் ஸ்ருதி கமல் ஹாஸனை அப்பா என்று கூறாமல் பாபுஜி என்று குறிப்பிட்டுள்ளார்.



தமிழ் பெண்ணாக இருந்து கொண்டு அழகாக அப்பா என்று கூறாமல் அது என்ன பாபுஜி என்று ரசிகர்கள் கேள்வி எழுப்பியுள்ளனர். அப்பா கமல் தமிழர், அம்மா சரிகா இந்திக்காரர் அதனால் ஸ்ருதி பாபுஜி என்று அழைத்திருப்பார் என தீவிர ரசிகர்கள் ஆதரவாக பேசியுள்ளனர்.

அப்பா, அம்மா விவாகரத்து செய்ததில் மகிழ்ச்சியே: ஸ்ருதி ஹாஸன்

ஸ்ருதி மட்டும் அல்ல அவரின் தங்கை அக்ஷராவும் கமலை பாபுஜி என்றே அழைப்பார். விமர்சிப்பவர்கள் விமர்சித்தாலும் ஸ்ருதி தன் அப்பா மற்றும் தங்கையுடன் சேர்ந்து எடுத்த புகைப்படத்தை வெளியிட்டுள்ளதை பார்த்து ரசிகர்கள் மகிழ்ச்சி அடைந்துள்ளனர்.

Kamal Haasan உலக நாயகனுக்காக கொள்கையை தளர்த்தும் அஜித்?

மேலும் அழகிய ஸ்ருதி ஹாஸனை தங்களுக்கு கொடுத்ததற்காக ரசிகர்கள் கமலுக்கு நன்றி தெரிவித்துள்ளனர். உங்களை போன்றே ஸ்ருதியும் பல திறமைகள் கொண்டவராக இருக்கிறார் என்று தீவிர ரசிகர்கள் நெகிழ்ச்சி அடைந்துள்ளனர் என்பது குறிப்பிடத்தக்கது.