Nayanthara:போயும் போயும் அந்த ஆள எதுக்கு கல்யாணுத்துக்கு கூப்பிட்டீங்க நயன்?

நயன்தாராவுக்கும், இயக்குநர் விக்னேஷ் சிவனுக்கும் ஜூன் 9ம் தேதி திருமணம் நடந்தது. மகாபலிபுரத்தில் இருக்கும் ரிசார்ட் ஒன்றில் நடந்த திருமண நிகழ்ச்சியில் திரையுலகை சேர்ந்த பலர் கலந்து கொண்டார்கள். பிரபல மலையாள நடிகரான திலீப்பும் திருமணத்திற்கு வந்து மணமக்களை வாழ்த்தினார்.

நயன்தாராவின் திருமணத்திற்கு திலீப் வந்ததை பார்த்த சினிமா ரசிகர்கள் கோபம் அடைந்தார்கள். நயன்தாரா எதற்காக திலீப்பை அழைக்க வேண்டும் என்று இன்னும் கேட்டுக் கொண்டிருக்கிறார்கள். என்ன தான் நயன்தாரா கேரளாவை சேர்ந்தவர் என்றாலும் திலீப்பை தானா அழைக்க வேண்டும் என்கிறார்கள்.

பிரபல நடிகை ஒருவரை காரில் கடத்தி பாலியல் தொல்லை கொடுக்க வைத்த வழக்கில் திலீப்பை போலீசார் கைது செய்து சிறையில் அடைத்தார்கள். ஜாமீனில் வெளியே வந்த திலீப்புக்கு தற்போது அந்த வழக்கால் மீண்டும் பிரச்சனை ஏற்பட்டுள்ளது என்பது குறிப்பிடத்தக்கது.

திலீப் வந்ததால் வருத்தம் என்றாலும், ரஜினிகாந்த் தாலியை எடுத்துக் கொடுத்தது குறித்து அறிந்து ரசிகர்கள் மகிழ்ச்சி அடைந்தார்கள். திருமணத்திற்கு திலீப் வந்ததால் சர்ச்சை. திருமணம் முடிந்த மறுநாளே திருப்பதி கோவிலுக்கு சென்று செருப்புடன் நடந்தது, போட்டோஷூட் நடத்தியதால் மீண்டும் சர்ச்சையில் சிக்கினார் நயன்தாரா.