Master விஜய்க்கு வில்லன் ஆனது ஏன்?: விஜய் சேதுபதி பலே விளக்கம்

சிறு, சிறு கதாபாத்திரங்களில் நடித்து தான் ஹீரோ ஆனார் விஜய் சேதுபதி. அதன் பிறகு நடித்தால் ஹீரோவாக மட்டுமே நடிப்பேன் என்று எல்லாம் அடம்பிடிப்பது இல்லை. கதாபாத்திரம் பிடித்திருந்தால் வில்லனாக நடிக்கவும் தயங்குவதே இல்லை. இந்நிலையில் தான் அவர் விஜய்யின் மாஸ்டர் படத்தில் வில்லனாக நடித்து வருகிறார்.

முன்னணி ஹீரோவாக இருந்து கொண்டு இப்படி விஜய்யுடன் மோதுகிறாரே, இவருக்கு கிருக்கு எதுவும் பிடிச்சிருச்சா என்று பலரும் பேசுகிறார்கள். இந்நிலையில் தான் விஜய் சேதுபதி விளக்கம் அளித்துள்ளார். லோகேஷ் கனகராஜ் அந்த வில்லன் கதாபாத்திரத்தை விவரித்த விதம் மிகவும் பிடித்துவிட்டதாம். அதனால் தான் வில்லன் என்பதற்காக இப்படியொரு நல்ல கதாபாத்திரத்தை மிஸ் செய்துவிடக் கூடாது என்று நடிக்க ஒப்புக் கொண்டாராம்.

வில்லனை விடுங்க ஹீரோயினுக்கு அப்பாவாகவும் நடித்துள்ளார் விஜய் சேதுபதி. சிரஞ்சீவியின் உறவினரான வைஷ்ணவ் தேஜ் ஹீரோவாக நடித்து வரும் உப்பேனா படத்தில் ஹீரோயினுக்கு அப்பாவாக நடித்துள்ளார் விஜய் சேதுபதி. கேட்டால் கதை பிடித்திருக்கிறது, கதாபாத்திரம் பிடித்திருக்கிறது என்கிறார். உச்சத்தில் இருக்கும் எந்த ஹீரோவும் யோசிக்கக் கூட செய்யாத விஷயத்தை எல்லாம் செய்கிறார் விஜய் சேதுபதி.

என்னங்க, ஒரு முன்னணி ஹீரோவாக இருந்து கொண்டு இப்படி பண்றீங்களே என்று விஜய் சேதுபதியிடம் கேட்டால் பலே பதில் அளித்துள்ளார். அதாவது தன்னை ரசிகர்கள் வெறும் ஹீரோவாக மட்டுமே பார்க்கக் கூடாதாம். முடிந்த வரை அனைத்து கதாபாத்திரங்களிலும் நடிக்க வேண்டுமாம். நல்ல ஐடியா விஜய் சேதுபதி, ஆனால் அது உங்களுக்கு மட்டும் தான் ஒர்க்அவுட் ஆகிறது. அவர் எந்த கதாபாத்திரத்தில் நடித்தாலும் ரசிகர்கள் ஏற்றுக் கொள்கிறார்கள். மற்ற ஹீரோக்கள் இப்படி செய்தால் விஜய் சேதுபதி அளவுக்கு வெற்றி கிடைக்குமா என்பது சந்தேகமே.