முன்னணி நடிகர்
தெலுங்கு சினிமாவில் முன்னணி நடிகர்களில் ஒருவராக வலம் வருபவர் நடிகர் நாக சைதன்யா. அடுத்தடுத்து வெற்றிப் படங்களை கொடுத்து தனக்கென ஒரு இடத்தை பிடித்துள்ளார். நடிகை சமந்தாவுடன் காதல், திருமணம், விவாகரத்து என அடுத்தடுத்து ரசிகர்கள் மத்தியில் பேசு பொருள் ஆனார்.
தமிழ் சினிமாவில்
தற்போதும் கூட நடிகை ஷோபிதா துலிபாலாவுடன் நாக சைதன்யா டேட்டிங்கில் இருப்பதாக தகவல் வெளியாகி வருகிறது. நாக சைதன்யா தமிழ் சினிமாவிலும் அடியெடுத்து வைக்கிறார். வெங்கட் பிரபு இயக்கத்தில் தமிழ் மற்றும் தெலுங்கில் உருவாகும் படத்தில் நடித்து வருகிறார் நாக சைதன்யா.
லால் சிங் சத்தா
இதற்கு முன்பாக நாக சைதன்யா ஆமிர் கானுடன் இந்தியில் லால் சிங் சத்தா படத்தில் நடித்திருந்தார். அந்தப் படம் வரும் 11 ஆம் தேதி ரிலீஸ் ஆகிறது. இதன்மூலம் இந்தியில் அறிமுகமாகும் நாக சைதன்யா, இதற்கு முன்பு ஏன் இந்திப் படங்களில் நடிக்கவில்லை என்பது குறித்து கூறியுள்ளார்.
இந்தி தெரியாது
அதாவது தான் படித்ததெல்லாம் சென்னையில் தான், சென்னையில் வளர்ந்ததால் தனக்கு இந்தி தெரியாது. இதற்கு முன்பும் இந்தியில் நடிக்கும் வாய்ப்புகள் கிடைத்தன. ஆனால் எனக்கு இந்தி தெரியாது என்பதால் நான் இந்தி மொழி படங்களில் நடிக்க விரும்பவில்லை.
தென்னிந்தியன்தான்
இந்தப்படத்திலும் தெலுங்கு பேசும் ஒரு தென்னிந்திய ராணுவ வீரராகதான் நடித்துள்ளேன். தென்னிந்தியனின் டச்சிங் தேவை என்பதால் என்னை நடிக்க வைத்தார்கள், எப்போதும் நான் ஒரு தென்னிந்தியன் தான் என கூறியுள்ளார் நாக சைதன்யா கூறியிருக்கும் இந்த கருத்து சலசலப்பை ஏற்படுத்தியுள்ளது.