தனுஷுக்கு அறிவுரை வழங்கிய மாமனார் ரஜினி!!

‘கொடி’ மாதிரி நல்ல வெயிட்டான கதைகளை தேர்ந்தெடுத்து நடிக்க வேண்டும் என்று தனுஷுக்கு மாமனார் ரஜினிகாந்த அறிவுரை வழங்கியதாக செய்தி வெளியாகியுள்ளது.

‘கொடி பறக்குது’ படத்தில் ரஜினிகாந்த் நடித்திருந்தார். இந்தப் படத்தை பாரதிராஜா இயக்கியிருந்தார். தற்போது மருமகன் தனுஷ் ‘கொடி’ என்ற பெயரில் நடித்துள்ளார். இந்தப் படத்தில் கொடி, அன்பு என இரண்டு வேடங்களில் தனுஷ் நடித்துள்ளார். படத்தை துரை செந்தில்குமார் இயக்கியிருந்தார். இந்தப் படம் வெற்றிபெறாவிட்டாலும் தனுஷுக்கு, நல்ல படம் என்ற பெயரை பெற்றுக் கொடுத்துள்ளது. மேலும் இந்தப்படத்தில் தனுஷின் மாறுபட்ட நடிப்பை பலரும் பாராட்டியிருந்தனர்.

இந்த நிலையில், தனுஷ் நடிக்கும் ஒவ்வொரு படங்களையும் கூர்ந்து கவனித்து வருகிறார் அவரது மாமனார் ரஜினிகாந்த். சமீபத்தில் தனுஷை ரஜினி சந்தித்தபோது ‘கொடி’ படத்தில் அவரது நடிப்பை பாராட்டினாராம். இனிமேல் சாதாரணமாக இல்லாமல் இந்த மாதிரி வெயிட்டான கதைகளாக தேர்ந்தெடுத்து நடிக்குமாறு என்று தனுஷுக்கு அறிவுரை வழங்கினாராம். மேலும் கொடி படத்தை இயக்கிய துரை செந்தில்குமார் இயக்கத்தில் மீண்டும் ஒரு படத்தில் நடிக்க வேண்டும் என்று ஆலோசனை கூறியதாக செய்தி வெளியாகியுள்ளது.