கிண்டல் செய்ததால் மேடையில் கதறி அழுத நடிகை!!

பத்திரிக்கையாளர் சந்திப்பில் நடிகை கீர்த்தி பாண்டியன் கண்ணீர் விட்டு கதறி அழுத சம்பவம் பரபரப்பை ஏற்படுத்தியுள்ளது. இவர் தும்பா படத்தில் நடித்து வருகிறார்.அருண்பாண்டியன் தமிழின் முன்னணி நடிகராக வலம் வந்தவர். ஐங்கரன் நிறுவனம் சார்பாக பல படங்களை தயாரித்தவர். அவரது மகள் கீர்த்தி பாண்டியன். இவர் முதல் முறை ஹிரோயினாக அறிமுகமாகியுள்ள படம் தும்பா. இப்படத்தின் பத்திரிக்கையாளர் சந்திப்பில் அவர் கண்ணீர் விட்டு அழுத சம்பவம் பரபரப்பை கிளப்பியுள்ளது.

“ தும்பா “ புதுமுக இயக்குநர் ஹரீஷ் ராம் இயக்கத்தில் தர்ஷன், கீர்த்தி பாண்டியன், தீனா ஆகியோர் நடிக்க முழுக்க காட்டினுள் மிருகங்களை மையமாக வைத்து உருவாகியுள்ள குடும்பப் படம். இப்படத்தில் ஜெயம் ரவி ஒரு சிறு பாத்திரத்தில் சிறப்பு தோற்றத்தில் நடித்துள்ளார். விரைவில் வெளியாகவுள்ள இப்படத்தின் பத்திரிக்கையாளர் சந்திப்பு நேற்று நடைபெற்றது.


இதில் பேசிய ஹிரோயின் கீர்த்தி பாண்டியன் “ நான் சினிமா குடும்பத்தை சேர்ந்தவள். ஆனாலும் இந்த வாய்ப்பு எனக்கு மிகப்பெரியது. நான் நிறைய கதைகள் கேட்டேன் நான் நிறைய நிராகரித்தைக் காட்டிலும் என்னைத் தான் நிறைய நிராகரித்தார்கள். என் முகம் சரியில்லை, என் உடலமைப்பு ஹிரோயினுக்கு செட்டாகவில்லை என்று கூறுவார்கள். உன் மூஞ்சியை யார் பார்ப்பார்கள் என்று பேசினார்கள். என் தன்னம்பிக்கையை முழுதாக உடைக்கும்படி பேசினார்கள். என் மீதான நம்பிக்கையை நான் இழந்தேன். அப்போது தான் இயக்குநர் ஹரீஷ் என்னை ஹிரோயினாக தேர்ந்தெடுத்தார்.

நான் செட்டாவேனா என்ற சந்தேகம் எனக்கு இருந்து கொண்டே இருந்தது. ஆனால் அவர் கண்டிப்பாக நீதான் நடிக்கிறாய் என்றார். அவ்வாறே நடிக்க வைத்தார். அவருக்கு நன்றி “ என்றார்.

இவ்வாறு அவர் பேசியபோது இடையில் கண்ணீர் விட்டு அழுதார். படக்குழு அவரைச் சமாதானம் செய்தது. மேலும் அவர் “ தயவு செய்து உடலமைப்பை காரணம் காட்டி யாரையும் நிராகரிக்காதீர்கள். பல திறமைகள் அதனால் மழுங்கடிக்கப்படும்” என்று சினிமா உலகத்தினருக்கு வேண்டுகோள் விடுத்தார்.