மீண்டும் தமிழில் தாக்குப்பிடிப்பாரா இஷா தல்வார்?

மலையாளத்திலிருந்து மீண்டும் தமிழுக்கு வந்த நடிகை இஷா தல்வார். இவர் தமிழில் தாக்குபிடிப்பாரா என்று பலரும் தன் வாயை அசைபோட்டு வருகின்றனர்.

மலையாளத்திலிருந்து வரும் நயன்தாரா, லட்சுமி மேனன் போன்ற பல நடிகைகள் கோலிவுட்டில் இடம் பிடித்து விடுகின்றனர். காவ்யா மாதவன், நவ்யா நாயர், அனன்யா, மல்லிகா, பத்மபிரியா போன்ற பல நடிகைகள் இடத்தை தக்க வைக்க முடியாமல் திடீரென்று காணாமல் போயினர்.

இஷா தல்வார் தமிழில் ‘தில்லு முல்லு’ படத்தில் நடித்துள்ளார். ஒரே படத்துடன் மீண்டும் மலையாள படவுலகுக்கு திரும்பினார். நீண்ட நாட்களுக்கு பிறகு அவருக்கு தமிழில் நடிக்க வாய்ப்பு கிடைத்திருக்கிறது. தற்போதுள்ள போட்டியில் அவர் தாக்குபிடிப்பாரா என்பது இனிதான் தெரியும். மலையாளத்தில் அவர் நடித்த ‘தட்டத்தின் மறையத்து’ தமிழில் ‘மீண்டும் ‘ஒரு காதல் கதை’ பெயரில் ரீமேக் ஆகிறது.

படத்தை மித்ரன் ஜவஹர் இயக்குகிறார். வால்டர் பிலிப்ஸ் அறிமுக ஹீரோ. தமிழிலும் இஷா தல்வாரே கதாநாயகியாக நடிக்கிறார். ஜி.வி.பிரகாஷ் இசை. இப்படத்துக்காக ‘மை போட்டு மை போட்டு’ என்ற பாடல் திருமண சடங்கின்போது பாடப்படுவதாக அமைக்கப்பட்டிருக்கிறது. கலைப்புலி பிலிம்ஸ் இன்டர்நேஷனல் ரிலீஸ் செய்கிறது.