இன்னொரு கதை சொல்லுவாரா விஜய் சேதுபதி...? விக்ரம் வேதா பகுதி 2?!

சமீபத்தில் வெளியான ‘விக்ரம் வேதா’ படத்தின் இரண்டாம் பாகம் உருவாகலாம் என தெரிகிறது.

இயக்குனர்கள் புஷ்கர் - காயத்ரி இயக்கத்தில் மாதவன் - விஜய் சேதுபதி நடிப்பில் உருவான படம் ‘விக்ரம் வேதா’. இந்தப் படம் இரண்டு வாரங்களுக்கு முன்பு வெளியாகி வெற்றி பெற்று வருகிறது. ஜி.எஸ்.டி.யால் குறைந்திருந்த தியேட்டர் வருமானம், இந்தப் படத்தால் அதிகரித்துள்ளது. இரண்டு வாரங்கள் ஆகியும் கூட பல இடங்களில் ஹவுஸ் புல்லாக ஓடிக் கொண்டிருக்கிறது.

இந்நிலையில், இந்தப் படத்தை தெலுங்கு மற்றும் இந்தியில் ரீமேக் செய்யப் போவதாகத் தகவல் வெளியானது. ஆனால், அதை மறுத்துள்ளனர் இயக்குநர்களான புஷ்கர் - காயத்ரி. “இப்போதைக்கு இந்த வெற்றியை மட்டுமே நாங்கள் கொண்டாடி வருகிறோம். ரீமேக் செய்வது குறித்து இன்னும் யோசிக்கவில்லை” என்றனர்.

சஸ்பென்ஸுடனே இந்தப் படம் முடிந்திருப்பதால், இரண்டாம் பாகம் உருவாகலாம் என்ற தகவலும் உலாவரத் தொடங்கியுள்ளது. “இப்போதைக்கு எங்களிடம் எந்தக் கதையும் இல்லை. இனிமேல்தான் அடுத்த படத்துக்கான கதையைத் தயார் செய்ய வேண்டும்“ என்றனர் இயக்குனர்கள் புஷ்கர் - காயத்ரி.