தேசிய விருது பெற தயாராகிறாரா மம்மூட்டி?

மம்மூட்டி நடித்துவரும் பேரன்பு திரைப்படத்திற்காக அவருக்கு தேசிய விருது கிடைக்க வாய்ப்பிருப்பதாக படக்குழுவினர் தெரிவிக்கின்றனர்.

இயக்குநர் ராம் மம்மூட்டி மற்றும் அஞ்சலியை வைத்து பேரன்பு திரைப்படத்தை இயக்கி வருகிறார். இந்த திரைப்படத்தில் மம்மூட்டி டேக்ஸி டிரைவராக நடித்துள்ளதாக தகவல்கள் தெரிவிக்கின்றன. இயக்குநர் மிஷ்கினின் சகோதரர் ஆதித்யா, மம்மூட்டியின் சகோதரராக பேரன்பு திரைப்படத்தில் நடித்துள்ளார். மம்மூட்டி தன்னுடைய கதாப்பாத்திரத்தில் அற்புதமாக நடித்துள்ளதாகவும், அவருக்கு நான்காவது தேசிய விருது கிடைக்க வாய்ப்பிருப்பதாகவும் படக்குழுவினர் தெரிவித்துள்ளனர்.
ராம் இயக்கத்தில் வசந்த் ரவி, ஆண்ட்ரியா நடித்த தரமணி படமும் ரிலீஸூக்கு தயாராக உள்ளது. மிஷ்கினின் சகோதரர் ஆதித்யா இயக்கும் சவரக்கத்தி படத்திலும் இயக்குநர் ராம் தற்போது நடித்து வருகிறார்.