ரஜினி அரசியலுக்கு வருவாரா?: என்ன கஸ்தூரி, இப்படி சொல்லிட்டாங்க

தன் உடல்நலம் குறித்து ரஜினி ட்வீட் போட்டதில் இருந்து அவர் அரசியலுக்கு வருவாரா, இல்லையா என்று சமூக வலைதளங்களில் விவாதம் நடந்து கொண்டிருக்கிறது. இந்நிலையில் ரசிகர் ஒருவர் கஸ்தூரியிடம்,
டெல்லி தேர்தல் பற்றி நீங்கள் கணித்தது போன்று நடந்துவிட்டது. தயவு செய்து ரஜினி அரசியலுக்கு வருவாரா இல்லையா என கூறுங்கள் என்று கேட்டார். அதற்கு கஸ்தூரி கூறியதாவது,
ரஜினி பத்தி கமல் ஸ்டைல்ல சொல்றேன். வருவாருனு நினைக்கல. வந்தா நல்லா இருக்கும்னு நினைக்கிறேன் #RajinikanthPoliticalEntry என்று தெரிவித்துள்ளார்.

ரஜினி அரசியல் கட்சி துவங்குவார் 2021ம் ஆண்டு நடக்கும் தமிழக சட்டசபை தேர்தலில் போட்டியிடுவார் என்று ரசிகர்கள் எதிர்பார்த்தது நடக்கவில்லை. இந்நிலையில் ரஜினி எழுதியதாக ஒரு கடிதம் சமூக வலைதளத்தில் தீயாக பரவியது.

அந்த கடிதத்தில் குறிப்பிடப்பட்டிருந்ததாவது,

எனக்கு சிகிச்சை அளித்த மருத்துவர்களிடம் எனது அரசியல் பிரவேசத்தைப் பற்றி ஆலோசனை கேட்டேன். அதற்கு, "தொற்று உங்களை எளிதில் தாக்கக்கூடிய வாய்ப்பு மிக அதிகம். அது உங்கள் சிறுநீரகத்தை மட்டுமல்ல, உங்கள் உடல்நலத்தையும் நிச்சயம் கடுமையாக பாதிக்கும். ஆகையால், இந்த கொரோனா காலத்தில் நீங்கள் மக்களைச் சந்தித்து, அவர்களைத் தொடர்பு கொண்டு அரசியலில் ஈடுபடுவதை கண்டிப்பாகத் தவிர்க்க வேண்டும்" என்று திட்டவட்டமாக கூறிவிட்டார்கள் என்று அதில் தெரிவிக்கப்பட்டிருந்தது.

இந்த கடிதம் விஷயம் குறித்து அறிந்த ரஜினி ட்வீட் செய்தார். அந்த ட்வீட்டில் அவர் கூறியதாவது,

என் அறிக்கை போல ஒரு கடிதம் சமூக வலைதளங்களிலும் ஊடகங்களிலும் தீவிரமாகப் பரவிக் கொண்டு வருகிறது. அது என்னுடைய அறிக்கை அல்ல என்பது அனைவருக்கும் தெரியும். இருப்பினும் அதில் வந்திருக்கும் என் உடல்நிலை மற்றும் எனக்கு மருத்துவர்கள் அளித்த அறிவுரைகள் குறித்த தகவல்கள் அனைத்தும் உண்மை. இதைப் பற்றி தகுந்த நேரத்தில் என் ரஜினி மக்கள் மன்ற நிர்வாகிகளோடு கலந்தாலோசித்து எனது அரசியல் நிலைப்பாட்டைப் பற்றி மக்களுக்குத் தெரிவிப்பேன் என்றார்.

ரஜினியின் ட்வீட்டை பார்த்தவர்கள் அப்படி என்றால் கடந்த 2016ம் ஆண்டு அமெரிக்காவில் தனக்கு சிறுநீரக மாற்று அறுவை சிகிச்சை நடந்ததை அவர் முதல்முறையாக மறைமுகமாக ஒப்புக் கொண்டுள்ளார் என்றார்கள். ஆரோக்கியம் தான் முக்கியம், அரசியல் எல்லாம் அப்புறம் தான் என்று பலரும் ரஜினியிடம் தெரிவித்து வருகிறார்கள்.

மானம் இல்லாதவருடன் சண்டையிட்டால் நம் மானம் போய்விடும்: வனிதாவை சொல்கிறாரா லக்ஷ்மி ராமகிருஷ்ணன்?