'நெருப்புடா'-க்கு ஒகே சொல்வாரா ரஜினி?

நடிகர் விக்ரம் பிரபு, நிக்கி கல்ராணி இணைந்து நடிக்கும் 'நெருப்புடா' படத்தில் சிறப்புத் தோற்றத்தில் நடிக்க சூப்பர்ஸ்டார் ரஜினிகாந்திடம் படக்குழுவினர் பேச்சுவார்த்தை நடத்தி வருவதாக தகவல்கள் வெளியாகியுள்ளன.

விக்ரம் பிரபு தொடங்கியுள்ள தயாரிப்பு நிறுவனத்தின் பேனரில் இப்படம் உருவாகவுள்ளது. இப்படத்தில் முரட்டுத் தனமான சண்டியராக நடிக்கும் விக்ரம் பிரபு, சூப்பர்ஸ்டார் ரஜினிகாந்தின் தீவிர ரசிகராக நடிக்கவிருக்கிறார் என படக்குழுவுக்கு நெருங்கிய நண்பர்கள் வட்டாரம் தெரிவித்துள்ளன.

இதன் காரணமாக நெருப்புடா படத்தில் சிறப்புத் தோற்றத்தில் நடிக்க ரஜினிகாந்திடம் படக்குழுவினர் பேச்சுவார்த்தை நடத்தி வருவதாக கூறப்படுகிறது.'நெருப்புடா' படக்குழுவினரின் கோரிக்கைக்கு ரஜினிகாந்த் சம்மதம் தெரிவிக்கும் பட்சத்தில் 'நெருப்புடா' படத்தின் மீதான எதிர்ப்பார்ப்புகள் அதிகரிக்கும் என கோலிவுட் வட்டாரங்கள் தெரிவிக்கின்றன.