சூப்பர் ஸ்டார் ரஜினிக்கு மோடி வாழ்த்து

1950ம் ஆண்டு டிசம்பர் 12ம் தேதி பெங்களூரில் பிறந்தார் சூப்பர் ஸ்டார் ரஜினி. இன்று தனது 66வது பிறந்தநாளை கொண்டாடும் சூப்பர் ஹீரோவுக்கு பிரதமர் மோடு டுவிட்டரில் வாழ்த்து தெரிவித்துள்ளார்.

சிவாஜி ராவ் கைக்வாட் என்ற இயற்பெயர் கொண்ட ரஜினிகாந்த் தொடக்கத்தில் சாதாரண பேருந்து நடத்துனராக வாழ்க்கையை தொடங்கினார். பல மேடை நாடகங்களில் நடித்ததன் மூலம் சினிமாவில் வாய்ப்பு பெற்று தற்போது ஒன் அண்ட் ஒன்லி சூப்பர் ஸ்டாராக உருவெடுத்துள்ளார். அபூர்வ ராகங்கள் படத்தின் மூலம் சினிமாவில் கால் பதித்தார். தமிழ், தெலுங்கு, இந்தி, கன்னடம், மலையாளம், வங்காளம் மற்றும் ஆங்கிலம் ஆகிய மொழிகளில் சுமார் 160க்கும் மேற்பட்ட படங்களில் நடித்துள்ள ரஜினி தன்னுடைய நடிப்புத் திறமையால் ரசிகர் பட்டாளத்தை அமைத்துக்கொண்டார்.

பத்ம பூஷன், பத்மவிபூஷன் உள்பட பல விருதுகளை பெற்றுள்ள இவருக்கு பிரதமர் நரேந்திர மோடி டுவிட்டரில் பிறந்தநாள் வாழ்த்து தெரிவித்துள்ளார். நீண்ட ஆயுளுடன் நல்ல உடல்நலத்துடன் வாழ எனது வாழ்த்துக்கள் என்று குறிப்பிட்டிருந்தார்.
Happy birthday @superstarrajini! Wishing you a long life filled with good health. — Narendra Modi (@narendramodi) December 12, 2016 இவரைத் தொடர்ந்து அக்ஷய் குமார், விஷ்ணு விஷால், வெள்ளி மங்கை பி.வி.சிந்து, விஜய், சிபிராஜ், ராகவா லாரன்ஸ், நயன்தாரா ஆகியோர் உள்பட சினிமா பிரபலங்கள் ரஜினிகாந்திற்கு பிறந்தநாள் வாழ்த்து தெரிவித்து வருகின்றனர்.

ஜெயலலிதா மறைவு காரணமாக தன்னுடைய பிறந்தநாளை கொண்ட வேண்டாம் என்று ரசிகர்களுக்கு அன்பு வேண்டுகோள் விடுத்ததன் காரணமாக அமைதியான முறையில் இவரது பிறந்தநாள் கொண்டாடப்பட்டு வருகிறது என்பது குறிப்பிடத்தக்கது.
Happy birthday @superstarrajini! Wishing you a long life filled with good health.