உலக சினிமாவே வியந்து பார்க்கும் பாகுபலி2!

பாகுபலி 2 படத்தின் வசூல், ரூ.1000 கோடி என்ற மிகப்பெரிய சாதனையை படைத்துள்ளதால், உலக சினிமாவே வியப்பில் ஆழ்ந்துள்ளது.

எஸ்எஸ் ராஜமவுலி இயக்கத்தில் பிரபாஸ், ராணா, அனுஷ்கா, தமன்னா, சத்யராஜ், ரம்யா கிருஷ்ணன் உள்ளிட்டோர் நடித்த பாகுபலி 2 படம், கடந்த ஏப்ரல் 28ம் தேதி உலகம் முழுவதும் பிரமாண்டமாக ரிலீஸ் செய்யப்பட்டது.

இந்நிலையில், இந்த படம் ரூ.1000 கோடி என்ற வசூல் சாதனை படைக்குமா எனப் பலதரப்பிலும் எதிர்பார்க்கப்பட்டது. இதற்கேற்ப, முதல் நாளிலேயே, ரூ.150 கோடி வரை வசூல் ஈட்டிய பாகுபலி 2, தற்போது 10 நாட்கள் கடந்த நிலையில், ரூ.1000 ஆயிரம் கோடி என்ற மிகப்பெரிய வசூல் சாதனை படைத்துள்ளது.

இந்திய சினிமா உலகில் எந்த படமும் இதுவரை படைத்திராத சாதனை இதுவாகும். அத்துடன், வரும் காலத்திலும் இத்தகைய வசூல் சாதனையை எந்த படமும் சாதிக்குமா என்பது சந்தேகமே. மேலும், உலக சினிமா வரலாற்றிலும் ரூ.1000 கோடி வசூல் சாதனையுடன் பாகுபலி 2 முக்கியத்துவம் பெற்றுள்ளது.

Baahubali shocked World cine world with Rs.1000 crore box office collection.