மாஸ்டர்
கொரோனா வைரஸால் மூடப்பட்ட தியேட்டர்கள் திறக்கப்பட்டதும் இந்த ஆண்டின் துவக்கத்தில் ரிலீஸானது விஜய்யின் மாஸ்டர் படம். லோகேஷ் கனகராஜ் இயக்கத்தில் வெளியான அந்த படத்தில் வில்லனாக நடித்து ஸ்கோர் செய்துவிட்டார் விஜய் சேதுபதி. மாஸ்டர் படம் உலக அளவில் ரூ. 200 கோடிக்கும் மேல் வசூல் செய்தது.
கர்ணன்
மாரி செல்வராஜ் இயக்கத்தில் தனுஷ் நடித்த கர்ணன் படம் ஏப்ரல் மாதம் 9ம் தேதி தியேட்டர்களில் வெளியானது. அந்த படத்திற்கு ரசிகர்கள் அமோக ஆதரவு கொடுத்து பிளாக்பஸ்டர் ஆக்கினார்கள். தனுஷ் வழக்கம் போன்று தன் அசுர நடிப்பால் ரசிகர்களை கவர்ந்தார்.
டாக்டர்
நெல்சன் திலீப்குமார் இயக்கத்தில் சிவகார்த்திகேயன் நடித்த டாக்டர் படம் அக்டோபர் 9ம் தேதி தியேட்டரில் ரிலீஸானது. டாக்டருக்கு இந்தியாவில் மட்டும் அல்லாமல் அமெரிக்காவிலும் அமோக வரவேற்பு கிடைத்தது. சிவகார்த்திகேயனின் படம் ரூ. 100 கோடி வசூல் செய்து சாதனை படைத்தது.
அண்ணாத்த
ரஜினிகாந்த், நயன்தாரா, கீர்த்தி சுரேஷ் உள்ளிட்டோரை வைத்து சிறுத்தை சிவா இயக்கிய அண்ணாத்த படம் தீபாவளி பண்டிகை ஸ்பெஷலாக நவம்பர் 4ம் தேதி ரிலீஸானது. அண்ணாத்த படம் ரிலீஸான வேகத்தில் ரூ. 100 கோடி வசூலித்தது. உலக அளவில் ரூ. 239 கோடிக்கும் மேல் வசூலித்திருக்கிறது.
மாநாடு
வெங்கட் பிரபு இயக்கத்தில் சிம்பு, எஸ்.ஜே. சூர்யா, கல்யாணி ப்ரியதர்ஷன், எஸ்.ஏ. சந்திரசேகர் உள்ளிட்டோர் நடித்த மாநாடு படம் நவம்பர் 25ம் தேதி தியேட்டர்களில் ரிலீஸானது. படம் வெளியான 4 நாட்களில் தமிழகத்தில் மட்டும் ரூ. 30 கோடி வசூல் செய்தது.