’சூப்பர் டீலக்ஸ்’ படத்தில் இணைந்த பிரபல நிறுவனம்; நாளை வருகிறது புதிய அப்டேட்..!!

விஜய் சேதுபதி நடிப்பில், தியாகராஜா குமாரராஜா இயக்கி வரும் ’சூப்பர் டீலக்ஸ்’ படத்தின் விநியோக உரிமையை ’ஒய்நாட் ஸ்டூடியோஸ்’ நிறுவனம் கைப்பற்றியுள்ளது. இதை உறுதிசெய்யும் விதமாக ட்விட்டரில் தகவல் வெளியிடப்பட்டுள்ளது.’ஆராண்ய காண்டம்’ படத்திற்கு பிறகு, தியாகராஜன் குமாரராஜா இயக்கியுள்ள படம் ‘சூப்பர் டீலக்ஸ்’. இந்த படத்திற்கு அனைத்து பணிகளும் முடிவடைந்த நிலையில், விரைவில் ரிலீஸ் செய்யப்படும் என எதிர்பார்க்கப்பட்டு வருகிறது.


விஜய் சேதுபதி, சமந்தா அக்கினி முதன்மை கதாபாத்திரத்தில் நடித்திருக்கின்றனர். அவர்களுடன் ஃபகத் பாசில், ரம்யா கிருஷ்ணன், மிஷ்கின், பகவதி பெருமாள் உள்ளிட்டோர் முக்கிய கதாபாத்திரங்களில் நடித்திருக்கின்றனர்.

தமிழ் சினிமா ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ள இந்த படத்தின் வெளியீட்டு உரிமையை பிரபல ‘ஒய்நாட் ஸ்டூடியோஸ்’ நிறுவனம் கைப்பற்றியுள்ளது. இந்நிறுவனம், முன்னதாக ’விக்ரம் வேதா’ படத்தை தயாரித்திருந்தது குறிப்பிடத்தக்கது.

இதை தொடர்ந்து இப்படத்தில் நடித்துள்ள சமந்தா ‘சூப்பர் டீலக்ஸ்’ தொடர்பாக முக்கிய அறிவிப்பை ட்விட்டரில் வெளியிட்டுள்ளார். முன்னதாக இந்த படத்தின் முதல் பார்வை போஸ்டர் வெளியான நிலையில், நாளை சூப்பர் டீலக்ஸ் படத்தின் 2வது பார்வை போஸ்டர் வெளிவருவதாக சமந்தா தெரிவித்துள்ளார்.



இதற்கிடையில் படத்தின் தயாரிப்பாளர்களில் ஒருவரான சஷிகாந்த், தமிழின் பிரபல வாரயிதழ் ஒன்றுக்கு பேட்டியளித்துள்ளார். அதில், ’சூப்பர் டீலக்ஸ்’ திரைப்படம், தமிழ் திரைத்துறை வரலாற்றில் முக்கிய பதிவாக இருக்கும் என அவர் கூறியுள்ளார்.

முன்னதாக முதல் பார்வை போஸ்டர், சம்ந்தாவின் வேம்பு கதாபாத்திரம் டீசர் என சூப்பர் டீலக்ஸின் முந்தைய அபேட்டுகள் வெளியாகி ரசிகர்கள் மத்தியில் வரவேற்பை குவித்தன. இந்நிலையில் இதன் 2வது பார்வை போஸ்டர் நாளை வெளிவரவுள்ளது ’சூப்பர் டீலக்ஸ்’ மீதான ரசிகர்களின் எதிர்பார்ப்பை எகிறச்செய்துள்ளது.